నంద్యాలలో ఎస్ఐపిఐకి టీడీపీ షాక్- సైకిల్ ఎక్కిన ఎసిపిఐ రాష్ట్ర మాజీ కార్యదర్శి

సూర్య, నంద్యాల బ్యూరో:మున్సిపల్ ఎన్నికలు సమీపిస్తున్న తరుణంలో ఎస్ డిపిఐ పార్టీకి అధికార టీడీపీ షాక్ ఇచ్చింది. ఆ పార్టీ రాష్ట్ర మాజీ కార్యదర్శి మహబూబ్ జిలానీ సైకిల్ ఎక్కారు. టీడీపీ జిల్లా ప్రధాన కార్యదర్శి ఎన్ఎండి ఫిరోజ్ ఎస్ పి ఐ నాయకులు టీడీపీ కండువా కప్పి పార్టీకి ఆహ్వానించారు. ఎస్ డిపిఐ నాయకులు మంత్రి ఫరూక్ను మర్యాదపూర్వకంగా కలిసి టీడీపీ మద్దత్తు ప్రకటించారు. జిలానీ మాట్లాడుతూ మంత్రి ఫరూక్ నియోజకవర్గంలో చేపడుతున్న అభివృద్ధి కార్యక్రమాలు కూటమి ప్రభుత్వం అమలు చేస్తున్న సంక్షేమ పథకాల పట్ల ఆకర్షితులమై టీడీపీ పార్టీలో చేరినట్లు వెల్లడించారు. ప్రజల సంక్షేమం, అభివృద్ధి లక్ష్యంగా కూటమి ప్రభుత్వం చేస్తున్న కృషికి మద్దత్తుగా నిలుస్తూ టీడీపీ పార్టీ బలోపేతానికి తమవంతు కృషి చేస్తామన్నారు. ఎస్ఎపిఐ నాయకుల చేరికతో నంద్యాలలో తెలుగుదేశం పార్టీకి మరింత బలం చేకూరుతుదన్నారు. ఈ కార్యక్రమంలో నంద్యాల నియోజకవర్గ టీడీపీ పరిశీలకులు నారాయణస్వామి, మైనార్టీ కార్పొరేషన్ డైరెక్టర్ మనియార్ ఖలీల్, తదితరులు పాల్గొన్నారు.
*మధుబాబు, సూర్య బ్యూరో ఇంచార్జి, నంద్యాల జిల్లా*