నేటి బాలలే రేపటి పౌరులు

చట్టాలు పై విద్యార్థులు అవగహన కలిగిండాలి

 చిత్తూరు ప్రతినిధి మేజర్ న్యూస్. నేటి బాలలే రేపటి పౌరులని జిల్లా న్యాయ సేవ అధికార సంస్థ కార్యదర్శి సీనియర్ సివిల్ జడ్జి భారతి అన్నారు. సోమవారం నగరం లోని శ్రీ వివేకానంద పి ఎస్ ఎన్ జూనియర్ కాలేజ్ నందు న్యాయవిజ్ఞాన సదస్సును నిర్వహించారు. ఈ సందర్భంగా ఆమె విద్యార్థులను ఉద్దేశించి మాట్లాడుతూ విద్యార్థులు చట్టాలు పై అవగహన కలిగి ఉండాలని, సెల్ ఫోనుకు దూరంగా ఉండాలని వాటిలోని ఇంస్టాగ్రామ్, ఫేస్ బుక్ ఉపయోగించేటప్పుడు జాగ్రత్తగా ఉండాలన్నారు. ఇంస్టాగ్రామ్ లో పరిచయమైన వ్యక్తులను నమ్మి మోసపోరాదన్నారు. విద్యార్థులు సమయాన్ని సద్వినియోగం చేసుకుంటూ క్రమశిక్షణ నైతిక విలువలు సామాజిక బాధ్యతను అలవర్చుకోవాలని సూచించారు. యువత మత్తుపదార్థాలు చెడు అలవాట్లు బారిన పడకుండా జాగ్రత్తగా ఉండాలన్నారు సైబర్ భద్రతపై ప్రతి ఒక్కరు అవగాహన కలిగి ఉండాలన్నారు ప్రజలు ప్రాథమిక హక్కులను తెలుసుకొనే దోపిడీకి గురి కాకుండా ఉండాలన్నారు. ప్రకృతి వనరులను సంరక్షించాలన్నారు. బాల వివాహాల నిరోధక చట్టము ఉచిత న్యాయ సహాయము తదితర అంశాలపై ప్రసంగించారు. ఈ సదస్సులో కళాశాల కరస్పాండెంట్ సత్యనారాయణ, అధ్యాపకులు తదితరులు పాల్గొన్నారు.

ఉమా శంకర్ చిత్తూరు స్టాఫ్ రిపోర్టర్