నెల్లిమర్ల నగర పంచాయతీ ఓట్ల లెక్కింపునకు సర్వం సిద్ధం

నెల్లిమర్ల, సూర్య : ​నెల్లిమర్ల నగర పంచాయతీ ఎన్నికల ఓట్ల లెక్కింపు ప్రక్రియకు సంబంధించిన అన్ని ఏర్పాట్లు పూర్తయ్యాయని రిటర్నింగ్ అధికారి మున్సిపల్ కమిషనర్ తమ్మినేని గోవిందరావు తెలిపారు. మంగళవారం ఉదయం 7 గంటల నుంచి స్థానిక ప్రభుత్వ జూనియర్ కళాశాలలో ఈ కౌంటింగ్ ప్రారంభం కానుందని చెప్పారు. ​మొత్తం వార్డులకు  23 గాను 24 ​పోలింగ్ బూత్‌లు ఉన్నాయి. 7​ టేబుళ్లపై కౌంటింగ్ నిర్వహిస్తారు.  ​అభ్యర్థులు, వారి ఏజెంట్లు ఎన్నికల సిబ్బంది సమక్షంలో ప్రశాంత వాతావరణంలో లెక్కింపు జరిగేలా అన్ని ముందస్తు చర్యలు తీసుకున్నట్లు వెల్లడించారు. కౌంటింగ్ కేంద్రం వద్ద ఎలాంటి అవాంఛనీయ ఘటనలు జరగకుండా పటిష్టమైన పోలీసు భద్రతను ఏర్పాటు చేశారు.