సాయి కిషోర్ రెడ్డి ఆధ్వర్యంలోడ్రంక్ అండ్ డ్రైవ్ పై ఉక్కు పాదం-ఇద్దరికీ జైలు ముగ్గురికి జరిమానా

సూర్య అశ్వరావుపేట,మద్యం తాగి వాహనాలు నడిపితే కఠిన చర్యలు తప్పవని అశ్వారావుపేట పోలీసులు మరోసారి నిరూపించారు.అశ్వారావుపేట పోలీసులు డ్రంక్ అండ్ డ్రైవ్ తనిఖీల్లో పట్టుబడిన ఐదుగురు వ్యక్తులను దమ్మపేట కోర్టులో హాజరుపరిచారు. కేసును విచారించిన దమ్మపేట కోర్టు జడ్జ్ భవాని తీర్పు ఇచ్చారు.ముగ్గురు వ్యక్తులకు ఒక్కొక్కరికి రూ.1000 చొప్పున జరిమానా, మరో ఇద్దరు వ్యక్తులకు ఒక్కొక్కరికి రెండు రోజుల చొప్పున జైలు శిక్ష విధిస్తూ తీర్పు వెలువరించారు.ఈ సందర్భంగా అశ్వారావుపేట పోలీసులు మండల ప్రజలకు విజ్ఞప్తి చేస్తూ.. ఏ ఒక్కరూ మద్యం సేవించి వాహనం నడపవద్దని హెచ్చరించారు. నిబంధనలు ఉల్లంఘించి తాగి వాహనం నడిపితే చట్ట ప్రకారం కఠిన చర్యలు తీసుకుంటామని స్పష్టం చేశారు.
మద్యం సేవించి వాహనం నడపడం వల్ల ప్రమాదాలు జరిగి విలువైన ప్రాణాలు పోతున్నాయని, ప్రతి ఒక్కరూ ట్రాఫిక్ నిబంధనలు పాటించి, కుటుంబాలను దృష్టిలో ఉంచుకుని బాధ్యతగా వ్యవహరించాలని పోలీసులు కోరారు.

సూర్య రిపోర్టర్ మునీర్ అశ్వరావుపేట