నవంబర్లో పట్టాదారు పాస్ పుస్తకాలు పంపిణీ చేస్తాం తాహసిల్దార్ రాంప్రసాద్ రాజు

ఉండి, మేజర్ న్యూస్:రైతులు తమకు సంబంధించిన భూముల వివరాలను సచివాలయ సిబ్బందికి అందించాలని ఉండి మండల తహసిల్దార్ మంతెన రాంప్రసాద్ రాజు అన్నారు. మంగళవారం ఉండి మండలం ఉప్పులూరు గ్రామంలో గ్రామసభ నిర్వహించి రైతులకు పట్టాదారు పాస్ పుస్తకాల పంపిణీపై అవగాహన కల్పించారు. ఈ సందర్భంగా ఉండి తహసిల్దార్ మంతెన రాంప్రసాద్ రాజు మాట్లాడుతూ రాబోయే నవంబర్ సైకిల్‌లో ఉప్పులూరు, కోలమూరు  గ్రామాలకు ప్రభుత్వ రాజముద్రతో కూడిన పట్టాదారు పాస్ పుస్తకాలను పంపిణీ చేసేందుకు అన్ని ఏర్పాట్లు చేస్తున్నట్లు తెలిపారు. పట్టాదారు పాస్ పుస్తకాల పంపిణీ ప్రక్రియలో ఎటువంటి పొరపాట్లకు తావులేకుండా రైతుల వివరాలను పూర్తిస్థాయిలో పరిశీలిస్తున్నామన్నారు. ఆయా గ్రామాలకు చెందిన రైతులు తమ భూములకు సంబంధించిన వివరాలను గ్రామ సచివాలయంలో అందజేయాలని సూచించారు. రైతులందరూ ఈ అవకాశాన్ని సద్వినియోగం చేసుకుని అవసరమైన వివరాలను సచివాలయ సిబ్బందికి అందించాలని తహసిల్దార్ కోరారు. ఈ కార్యక్రమంలో టిడిపి గ్రామ అధ్యక్షులు లోకం సుబ్బారావు, మాజీ సర్పంచ్ యర్రా దుర్గారావు, మాజీ ఎంపిటిసి నిమ్మల కేశవ కుమార్, ఇంచార్జ్ విఆర్వో బి శ్రీనివాసరావు, రెవెన్యూ సిబ్బంది, రైతులు పాల్గొన్నారు.

 రిపోర్టర్: రాజు.ఉండి పశ్చిమగోదావరి జిల్లా