నామినేషన్ల పరిశీలనలో నిబంధనలు తప్పనిసరిగా పాటించాలి* *జిల్లా ఎన్నికల అధికారి/జిల్లా కలెక్టర్ డా.ఏ.సిరి*

కర్నూలు, అక్టోబర్ 19: స్థానిక సంస్థల ఎన్నికల్లో భాగంగా నామినేషన్ల పరిశీలన (స్క్రూటినీ) ప్రక్రియను ఎన్నికల నిబంధనల ప్రకారం అత్యంత జాగ్రత్తగా నిర్వహించాలని జిల్లా ఎన్నికల అధికారి/ జిల్లా కలెక్టర్ డా.ఏ.సిరి  మున్సిపల్ కమిషనర్లను, రిటర్నింగ్ అధికారులను,  ఏఆర్వోలను ఆదేశించారు..

సోమవారం స్థానిక సంస్థల ఎన్నికలు–2026 నిర్వహణ లో భాగంగా  అర్బన్ లోకల్ బాడీస్ ఎన్నికల నిర్వహణ , నామినేషన్ ల స్క్రూటినీ అంశాలపై జిల్లా ఎన్నికల అధికారి/ జిల్లా కలెక్టర్ మున్సిపల్ కమిషనర్ లు, ఆర్వో  లు, ఏ ఆర్వో లు, నోడల్ అధికారులతో టెలి కాన్ఫరెన్స్ నిర్వహించారు..

ఈ సందర్భంగా కలెక్టర్ మాట్లాడుతూ నామినేషన్లన పరిశీలించే సమయంలో   నిబంధనల ప్రకారం నిర్ణయాలు తీసుకోవాలని కలెక్టర్ స్పష్టం చేశారు. అభ్యర్థులకు అవసరమైన కుల ధ్రువీకరణ పత్రాలను జారీ చేయడంలో జాప్యం జరగకుండా చూడాలని, తహశీల్దార్ల స్థాయిలో సమస్యలు ఎదురైతే సంబంధిత ఉన్నతాధికారుల దృష్టికి వెంటనే తీసుకురావాలన్నారు. నామినేషన్ల పరిశీలనలో ఏవైనా సందేహాలు తలెత్తితే ఎన్నికల మాన్యువల్‌తో పాటు ఎన్నికల సంఘం జారీ చేసిన తాజా మార్గదర్శకాలను పరిశీలించి నిర్ణయాలు తీసుకోవాలని కలెక్టర్ అధికారులను ఆదేశించారు.

టెలి కాన్ఫరెన్స్ లో జాయింట్ కలెక్టర్ నూరుల్ ఖమర్, కర్నూలు మున్సిపల్ కమిషనర్ ఓబులేసు, ఎమ్మిగనూరు మున్సిపల్ కమిషనర్ గంగిరెడ్డి, ఆర్వో  లు, ఏ ఆర్వో లు, తదితరులు పాల్గొన్నారు..