మున్సిపల్ ఎన్నికల్లో కూటమి విజయమే లక్ష్యం.. ఎమ్మెల్యే
రాజాం, సూర్య: రెండు దశాబ్దాల తరువాత జరగనున్న రాజాం మున్సిపల్ ఎన్నికలను అత్యంత ప్రతిష్టాత్మకంగా తీసుకోవాలని,పట్టణంలో కూటమి విజయమే లక్ష్యంగా అభ్యర్థులు,పార్టీ శ్రేణులు సమన్వయంతో ముందుకు సాగాలని రాజాం నియోజకవర్గ ఎమ్మెల్యే కోండ్రు మురళీమోహన్ పిలుపునిచ్చారు. రాజాం మండలం శ్యాంపురంలోని తెలుగుదేశం పార్టీ క్యాంప్ కార్యాలయంలో మున్సిపల్ ఎన్నికల్లో పోటీ చేస్తున్న కౌన్సిల్ అభ్యర్థులకు ఆయన బి- ఫామ్ లు అందజేశారు.ఈ సందర్భంగా ఎమ్మెల్యే మాట్లాడుతూ రాజాం జనసేన పార్టీ చైర్మన్ అభ్యర్థి సౌజన్యలతతో పాటు 32 వార్డుల్లో పోటీ చేస్తున్న కూటమి అభ్యర్థులను అత్యధిక మెజారిటీతో గెలిపించుకునేందుకు ప్రతి ఒక్కరూ సమష్టిగా పనిచేయాలని సూచించారు.ఎన్నికల ప్రచారాన్ని విస్తృతంగా చేపట్టి,ప్రజల్లోకి వెళ్లి కూటమి ప్రభుత్వంలో చేసిన పట్టణ అభివృద్ధి లక్ష్యాలను వివరించడంతో పాటు, ప్రజల ఆదరణ,ఆశీర్వాదం పొందాలని కోరారు.21 ఏళ్ల సుదీర్ఘ విరామం తర్వాత జరుగుతున్న రాజాం మున్సిపల్ ఎన్నికలు పట్టణ రాజకీయాల్లో కీలక మలుపుగా నిలవనున్నాయని పేర్కొన్నారు.ఈ ఎన్నికల ప్రాధాన్యతను ప్రతి అభ్యర్థి గుర్తించి,విజయమే ధ్యేయంగా క్షేత్రస్థాయిలో శ్రమించాలని అన్నారు.గాయత్రీ కాలనీకి చెందిన పలు కుటుంబాలు తెలుగుదేశం పార్టీలో చేరారు.వీరిని సాదరంగా ఆహ్వానించి పార్టీ కండువాలు వేసి, మున్సిపల్ ఎన్నికల విజయం కోసం కృషి చేయాలని పిలుపునిచ్చారు.