మున్సిపల్ ఎన్నికల ఏర్పాట్లను పరిశీలించిన పాలకొండ సబ్-కలెక్టర్

పాలకొండ, సూర్య : రానున్న మున్సిపల్ ఎన్నికల నేపథ్యంలో ఎన్నికల నిర్వహణకు సంబంధించి చేపడుతున్న ఏర్పాట్లను పాలకొండ సబ్-కలెక్టర్ స్వప్నిల్ పవార్ జగన్నాద్ గురువారం పరిశీలించారు.
ఈ సందర్భంగా పాలకొండ GJ కాలేజ్ (బాలుర)లో ఏర్పాటు చేయనున్న రిసెప్షన్ సెంటర్, డిస్ట్రిబ్యూషన్ సెంటర్ మరియు స్ట్రాంగ్ రూమ్ ప్రాంతాలను ఆయన పరిశీలించారు. ఎన్నికల సామగ్రి స్వీకరణ, పంపిణీ, భద్రతా ఏర్పాట్లు, ఎన్నికల సామగ్రి భద్రపరిచే స్ట్రాంగ్ రూమ్ తదితర అంశాలపై అధికారులను వివరాలు అడిగి తెలుసుకున్నారు.

ఈ పరిశీలనలో  డిఎస్పీ ఎం. రాంబాబు, మున్సిపల్ కమిషనర్ పివి నూకరాజు, వెలమల అప్పారావు పాల్గొన్నారు. ఎన్నికల ప్రక్రియను పారదర్శకంగా, ప్రశాంతంగా మరియు సజావుగా నిర్వహించేందుకు అవసరమైన అన్ని ఏర్పాట్లను ముందుగానే పూర్తి చేయాలని సంబంధిత అధికారులకు సబ్-కలెక్టర్ సూచించారు.

రిపోర్టర్ : రమణ మూర్తి నాయుడు, పాలకొండ, పార్వతీపురం మన్యం.