మున్సిపల్ చైర్ పర్సన్ వైసీపీ అభ్యర్థిగా అల్లారెడ్డి ఇందుమతి

ఆత్మకూరు, మేజర్ న్యూస్ :
ఆత్మకూరు మున్సిపాలిటీకి జరుగునున్న ఎన్నికల్లో చైర్ పర్సన్ అభ్యర్థిగా వైసీపీ తరఫున అల్లా రెడ్డి ఇందుమతి ఎంపికై శనివారం ఒక నామినేషన్ దాఖలు చేయగా ఆదివారం ఆమెను అభ్యర్థిగా నిర్ణయించి బలపరిచిన మాజీ ఎమ్మెల్యే మేకపాటి విక్రమ్ రెడ్డి జిల్లా వైసీపీ ఉపాధ్యక్షుడు డాక్టర్ చిల్లూరు ఆదిశేషయ్య, వైసీపీ మున్సిపల్ విభాగం రాష్ట్ర కార్యదర్శి అల్లా రెడ్డి ఆనంద రెడ్డి,పట్టణ వైసీపీ అధ్యక్షులు నాగులపాటి ప్రతాపరెడ్డి తదితరుల ఆధ్వర్యంలో రెండవ నామినేషన్ కూడా దాఖలు చేశారు.తొలి రోజు ఆమె నామినేషన్ కార్యక్రమంలో మేకపాటి విక్రమ్ రెడ్డి తో పాటు మాజీ జెడ్పీ చైర్మన్, మాజీ శాసన మండల సభ్యులు వైసిపి నాయకులు బొమ్మిరెడ్డి రాఘవేందర్ రెడ్డి కూడా పాల్గొన్నారు. ఆనంద రెడ్డి సతీమణి అయిన ఇందుమతి మాజీ మండల అధ్యక్షుడు మాజీ వ్యవసాయ మార్కెట్ కమిటీ చైర్మన్ అల్లారెడ్డి కృష్ణారెడ్డి, మాజీ సర్పంచ్, మాజీ మార్కెట్ కమిటీ చైర్పర్సన్ అల్లారెడ్డి అనసూయమ్మ ల కోడలు. ఆ కుటుంబం రాజకీయంగా గత 40 సంవత్సరాలుగా ఉండడంతో పలు వర్గాల్లో ఆదరణ లభిస్తుందని భావిస్తున్నారు. మాజీ ఎమ్మెల్యే మేకపాటి విక్రం రెడ్డి ఎన్నికలను ప్రతిష్టాత్మకంగా భావించి విజయం కోసం ప్రచారం నిర్వహించనున్నారు.