మంత్రి అచ్చెన్నాయుడును కలిసిన డా. రాజాన సత్యనారాయణ జంగారెడ్డిగూడెం మున్సిపల్ చైర్మన్ అభ్యర్థిగా రొంగల అనూషకు అవకాశం కల్పించాలని వినతి

జంగారెడ్డిగూడెం సూర్య న్యూస్:,రాష్ట్ర మంత్రి కింజరాపు అచ్చెన్నాయుడును ప్రముఖ బీసీ నాయకుడు, మద్ది ఆంజనేయస్వామి దేవస్థానం ధర్మకర్తల మండలి చైర్మన్, జిల్లా వెలమ సంక్షేమ సంఘం ఉపాధ్యక్షుడు డా. రాజాన సత్యనారాయణ (పండు) బృందం మర్యాదపూర్వకంగా కలిసింది. ఈ సందర్భంగా జంగారెడ్డిగూడెం గ్రేడ్‌-1 మున్సిపాలిటీ చైర్మన్ అభ్యర్థిగా కొప్పు వెలమ సామాజిక వర్గానికి చెందిన రొంగల అనూష అవకాశం కల్పించాలని కోరుతూ మంత్రికి వినతిపత్రం అందజేశారు.అలాగే కార్తీక మాసంలో మద్ది ఆంజనేయస్వామి దేవస్థానంలో జరిగే ఉత్సవాలకు హాజరుకావాలని మంత్రిని ఆహ్వానించారు. దీనిపై మంత్రి సానుకూలంగా స్పందిస్తూ, కార్తీక మాసంలో ఆలయానికి వస్తానని తెలిపారు. మున్సిపల్ చైర్మన్ అభ్యర్థిత్వానికి సంబంధించి సంబంధిత శాఖల అధికారులతో మాట్లాడతానని పేర్కొన్నారు.ఈ సందర్భంగా మంత్రి అచ్చెన్నాయుడుకు డా. రాజాన సత్యనారాయణ ప్రత్యేక ధన్యవాదాలు తెలిపారు.

 రిపోర్టర్ కె వి రమణ రావు జంగారెడ్డిగూడెం ఏలూరు జిల్లా