అద్దంకి మున్సిపాలిటీలో మొదటి రోజు నామినేషన్లు ''నిల్.''

అద్దంకి మున్సిపల్ ఎన్నికల ప్రక్రియ ప్రారంభమైనప్పటికీ మొదటి రోజు నామినేషన్ల నమోదు మందకొడిగా సాగింది. నామినేషన్ల స్వీకరణ తొలి రోజున ఒక్క అభ్యర్థి కూడా నామినేషన్ దాఖలు చేయలేదని మున్సిపల్ కమిషనర్ మరియు ఎన్నికల అధికారి రవీంద్ర వెల్లడించారు. నామినేషన్ల స్వీకరణకు మున్సిపల్ కార్యాలయంలో అన్ని రకాల ఏర్పాట్లు పూర్తి చేశామని, సిబ్బంది సిద్ధంగా ఉన్నారని తెలిపారు. నామినేషన్ దాఖలు చేయడానికి రెండు రోజుల మాత్రమే గడువు ఉందన్నారు. అభ్యర్థులు నిబంధనలకు లోబడి, తగిన పత్రాలతో నామినేషన్లు దాఖలు చేయాలని ఆయన సూచించారు.