రుచులకు కొత్త చిరునామా.. * ఎఫ్‌ 4 ఫ్యామిలీ రెస్టారెంట్‌!
భోగాపురం, సూర్య : రుచికరమైన వంటకాలు.. ఆహ్లాదకరమైన వాతావరణం.. కుటుంబ సభ్యులతో కలిసి హాయిగా భోజనం చేసే సౌకర్యం.. అందుబాటు ధరల్లో నాణ్యమైన ఆహారం.. ఇవన్నీ ఒకే చోట లభించేలా భోగాపురం మండల కేంద్రంలో ఎఫ్‌ 4 ఫ్యామిలీ రెస్టారెంట్‌ అందుబాటులోకి వచ్చింది. నలుగురు స్నేహితులు మాతా నవీన్, ముద్దన మురళి, ఇమ్మిడిశెట్టి గిరి, పల్లంట్ల శ్రీధర్‌ సంయుక్తంగా ఏర్పాటు చేసిన ఈ రెస్టారెంట్‌ను గురువారం ప్రారంభించారు.
భోగాపురం మండల కేంద్రంలోని జనసేన పార్టీ కార్యాలయానికి సమీపంలో, జాతీయ రహదారిని ఆనుకుని ఈ రెస్టారెంట్‌ను ఆకర్షణీయమైన ఇంటీరియర్‌తో, ఆహ్లాదకరమైన వాతావరణంలో తీర్చిదిద్దారు. కుటుంబ సభ్యులు, స్నేహితులు కలిసి ఒకేచోట కూర్చుని ప్రశాంతంగా భోజనం చేసేలా ప్రత్యేక ఏర్పాట్లు చేశారు. వాహనాల పార్కింగ్‌కు కూడా సదుపాయం కల్పించారు.
* రుచుల నుంచి వాతావరణం వరకు ప్రత్యేక శ్రద్ధ
భోజన ప్రియుల అభిరుచులకు అనుగుణంగా వెజ్‌, నాన్‌వెజ్‌ వంటకాలతో పాటు ఉదయం టిఫిన్లు, మధ్యాహ్న భోజనాన్ని అందించేందుకు నిర్వాహకులు ఏర్పాట్లు చేశారు. అనుభవజ్ఞులైన వంట మాస్టర్లతో నాణ్యమైన పదార్థాలను ఉపయోగించి రుచికరమైన వంటకాలను సిద్ధం చేయడంపై ప్రత్యేక దృష్టి సారించారు. ప్రత్యేకంగా బిర్యానీతో పాటు ఇరానీ టీని అందించడం ఈ రెస్టారెంట్‌ ప్రత్యేకతగా నిలవనుంది. హైదరాబాద్ చార్మినార్‌ ఇరానీ టీకి ఉండే ప్రత్యేక గుర్తింపును దృష్టిలో ఉంచుకుని, అదే తరహా టీ రుచిని స్థానికంగా అందించాలనే లక్ష్యంతో నిర్వాహకులు సిద్ధమయ్యారు.
* అందుబాటు ధరల్లో ఆతిథ్యం
నాణ్యమైన ఆహారాన్ని అందరికీ అందుబాటులో ఉండే ధరలకు అందించాలన్న ఉద్దేశంతో రెస్టారెంట్‌ను ఏర్పాటు చేసినట్లు నిర్వాహకులు తెలిపారు. స్థానికులతో పాటు జాతీయ రహదారిపై ప్రయాణించే వారు, దూర ప్రాంతాల నుంచి వచ్చే భోజన ప్రియులకు కూడా ఈ రెస్టారెంట్‌ అనుకూలంగా ఉండనుంది. రుచికి ప్రాధాన్యం ఇస్తూనే పరిశుభ్రత, నాణ్యత, ఆహ్లాదకరమైన వాతావరణంతో వినియోగదారులకు మంచి అనుభూతిని అందించడమే తమ లక్ష్యమని నలుగురు స్నేహితులు పేర్కొన్నారు.
నూతనంగా ప్రారంభమైన ఎఫ్‌ 4 ఫ్యామిలీ రెస్టారెంట్‌ భోగాపురం ప్రాంతంలో భోజన ప్రియులకు మరో మంచి ఎంపికగా నిలవనుంది.
రిపోర్టర్ : వై శ్రీనివాస రావు, భోగాపురం, విజయనగరం జిల్లా.
