మైదుకూరు టిడిపి మున్సిపల్ చైర్మన్‌గా ఏకగ్రీవంగా ఎన్నికైన ధన్‌పాల్ జగన్‌కు ఘన సన్మానం.
కావలి మేజర్ న్యూస్ : రాష్ట్రంలో జరుగుతున్న స్థానిక సంస్థల ప్రాదేశిక ఎన్నికల వేళ రాజకీయ పరిణామాలు ఆసక్తికరంగా మారుతున్నాయి. వైయస్ఆర్ జిల్లా, మైదుకూరు మున్సిపల్ చైర్మన్‌గా తెలుగుదేశం పార్టీ తరఫున ధన్‌పాల్ జగన్ ఏకగ్రీవంగా ఎన్నికయ్యారు. ఈ నేపథ్యంలో కావలి తెలుగుదేశం పార్టీ సీనియర్ నాయకులు, నెల్లూరు జిల్లా తెలుగుదేశం పార్టీ పార్లమెంట్ ఉపాధ్యక్షులు మన్నవ రవిచంద్ర తమ పార్టీ శ్రేణులతో కలిసి బుధవారం మైదుకూరులోని ధన్‌పాల్ జగన్ నివాసానికి వెళ్లారు.
ఈ సందర్భంగా మున్సిపల్ చైర్మన్‌గా ఏకగ్రీవ ఎన్నిక లాంఛనం ముగిసిన తర్వాత, ధన్‌పాల్ జగన్‌ను మన్నవ రవిచంద్ర బృందం శాలువాతో సత్కరించి ఘనంగా అభినందించారు. ఈ మర్యాదపూర్వక భేటీలో స్థానిక సంస్థల ఎన్నికల సరళి, గెలుపు వ్యూహాలు మరియు నెల్లూరు జిల్లాతో పాటు రాష్ట్రంలోని ప్రస్తుత రాజకీయ పరిస్థితులపై ఇరు నేతలు కొద్దిసేపు చర్చించుకున్నారు.
ఈ కార్యక్రమంలో మన్నవ రవిచంద్రతో పాటు కావలి తెలుగుదేశం పార్టీ ముఖ్య నాయకులు మంచాల ప్రసాదు, చౌదరి తదితరులు పాల్గొని నూతన చైర్మన్‌కు శుభాకాంక్షలు తెలిపారు.
