మహిళలు, విద్యార్థినులపై ఆకృత్యాలను అరికట్టాలి

అనంతపురం బ్యూరో, మేజర్ న్యూస్ : మహిళలు, విద్యార్థినులపై జరుగుతున్న ఆకృత్యాలను అరికట్టాలని, రాప్తాడు ఘటనలో తీవ్రంగా గాయపడిన బాధితురాలికి అత్యాధునిక వైద్య చికిత్స అందించాలని డిమాండ్ చేస్తూ ఎస్ ఎఫ్ ఐ, ఐద్వా సంఘాల ఆధ్వర్యంలో నిరసన చేపట్టారు.

ఈ సందర్భంగా అనంతపురం నగరంలోని రైల్వే స్టేషన్ కూడలి వద్ద నాయకులు, కార్యకర్తలు మానవహారంగా ఏర్పడి నిరసన వ్యక్తం చేశారు. మహిళలు, బాలికలపై దాడులు, వేధింపులకు పాల్పడే వారిపై కఠిన చర్యలు తీసుకోవాలని డిమాండ్ చేశారు.

రాప్తాడు ఘటన బాధితురాలి ప్రాణాలను కాపాడేందుకు ప్రభుత్వం, వైద్యాధికారులు ప్రత్యేక శ్రద్ధ చూపాలని కోరారు. మహిళలకు, విద్యార్థినులకు రక్షణ కల్పించేలా పటిష్టమైన చర్యలు చేపట్టాలని, ఇలాంటి ఘటనలు పునరావృతం కాకుండా ప్రభుత్వ యంత్రాంగం బాధ్యతాయుతంగా వ్యవహరించాలని నిరసనకారులు డిమాండ్ చేశారు.

రిపోర్టర్ : మొయినుద్దీన్, అనంతపురం బ్యూరో, మేజర్ న్యూస్.