మహా చండీ దేవిగా అమ్మవారి దర్శనం

బాపట్ల,మేజర్ న్యూస్: 

శ్రీ లలితా త్రిపుర సుందరీ పీఠం ఆధ్వర్యంలో బాపట్లలోని కోన కళాక్షేత్రంలో నిర్వహిస్తున్న దసరా శరన్నవరాత్రి ఉత్సవాల్లో భాగంగా అమ్మవారు శ్రీ మహా చండీ దేవిగా భక్తులకు దర్శనమిచ్చారు. ఈ సందర్భంగా ఆలయంలో ప్రత్యేక పూజలు, అర్చనలు నిర్వహించారు. ఉదయం అమ్మవారికి కుంకుమార్చన, పుష్పార్చనతో పాటు విశేష అన్నప్రసాద నివేదనలు సమర్పించారు. అనంతరం నిత్య సువాసినీ పూజలో భాగంగా నలుగురు సువాసినులకు ప్రత్యేక పూజలు నిర్వహించారు. తదుపరి తీర్థప్రసాద వినియోగం జరిగింది. సాయంత్రం నిర్వహించిన భక్తి సంకీర్తన భక్తులను ఆకట్టుకుంది. శరన్నవరాత్రి ఉత్సవాల్లో భాగంగా అమ్మవారి విశేష అలంకరణను దర్శించుకునేందుకు భక్తులు తరలివచ్చారు.