యోగ నరసింహుని అలంకారంలో శ్రీ మలయప్పస్వామి దర్శనం

తిరుమల:తిరుమల శ్రీవారి నవరాత్రి బ్రహ్మోత్సవాలు అత్యంత వైభవంగా కొనసాగుతున్నాయి. ఉత్సవాల్లో భాగంగా మూడో రోజు శ్రీ మలయప్పస్వామివారు సింహ వాహనంపై యోగ నరసింహ స్వామి అలంకారంలో భక్తులకు అభయమిచ్చారు. సింహం ధైర్యానికి, పరాక్రమానికి ప్రతీకగా నిలుస్తుందని, ఈ వాహనసేవను దర్శించడం ద్వారా భక్తుల్లో భయాలు తొలగి ధైర్యం కలుగుతుందని ప్రతీతి. ఈ పవిత్ర వాహనసేవ సందర్భంగా తిరుమల తిరుమాడ వీధులు గోవింద నామస్మరణలతో మార్మోగాయి. భక్తులు భారీ సంఖ్యలో తరలివచ్చి స్వామివారిని దర్శించుకుని మొక్కులు చెల్లించుకున్నారు.