మడ్డువలసలో వీధి కుక్కలు కలకలం భయాందోళనలో స్థానిక ప్రజలు

వంగర, సూర్య : వంగర మండలం మడ్డువలస గ్రామపంచాయతీలో వీధి కుక్కల సంచారం విపరీతంగా పెరిగిపోవడంతో స్థానిక ప్రజలు, వాహనదారులు తీవ్ర భయాందోళనలకు గురవుతున్నారు. రాత్రి, పగలు తేడా లేకుండా వీధి కుక్కలుగుంపులు గుంపులుగా ఉండడంతో కుక్కలు  స్థానిక ప్రజలు బాటసారులపై, చిన్నపిల్లలపై దాడులకు దిగుతుండటంతో గ్రామస్తులు భయంతో వణికిపోతున్నారు. ​ముఖ్యంగా ఉదయాన్నే పాఠశాలలకు, కళాశాలలకు వెళ్లే విద్యార్థులు, వృద్ధులు, ఉదయపు  మార్నింగ్ వాక్ కు వెళ్లేవారు వీధి కుక్కల దాడికి గురవుతామేమోనని నిత్యం భయం భావంతో గడుపుతున్నారు. ద్విచక్ర వాహనాలపై వెళ్లే వారి వెనుక కుక్కలు పడటంతో పలువురు వాహనదారులు కిందపడి గాయపడిన సంఘటనలు కూడా ఎన్నోచోటుచేసుకున్నాయని స్థానికులు వాపోతున్నారు. ​ఇప్పటికైనా సంబంధిత అధికారులు స్పందించి, వెంటనే వీధి కుక్కల బెడద నుండి మడ్డువలస ప్రజలకు విముక్తి కలిగించాలని, వాటిని సురక్షిత ప్రాంతాలకు తరలించేందుకు తగిన చర్యలు చేపట్టాలని స్థానికులు కోరుతున్నారు.

రిపోర్టర్ : దుర్గా ప్రసాద్, వంగర, విజయనగరం జిల్లా.