ప్రజల ఆశీస్సుల కొరకు టీడీపీ మీ ఇంటికి... గిత్త

నందికొట్కూరు రూరల్ మేజర్ న్యూస్ -: ప్రజల ఆశీస్సుల కొరకు తెలుగుదేశం పార్టీ మీ ఇంటికి ప్రతి ఇంటికి వస్తుందని నందికొట్కూరు ఎమ్మెల్యే గిత్త జయసూర్య తెలిపారు. శుక్రవారం నందికొట్కూరు మున్సిపాలిటీ లోని రాజా వీధి, బ్యాంకు ఏరియా మరియు పదో వార్డులలో   నందికొట్కూరు ఎమ్మెల్యే గిత్త జయసూర్య , నంద్యాల తెదేపా పార్లమెంటు ఇంచార్జ్ మాండ్ర శివానందరెడ్డిలు ఎన్నికల ప్రచారం ప్రారంభించారు. టీడీపీ అభ్యర్థులను భారీ మెజార్టీ తో గెలిపించాలని ఓటర్లను కలిసి ప్రచారం నిర్వహించారు. పట్టణంలో కోట వీధిలో  శ్రీ ఆంజనేయ స్వామి దేవాలయంలో టీడీపీ నాయకులు మాండ్ర శివానంద రెడ్డి తో కలిసి పూజలు నిర్వహించారు.అనంతరం మీడియాతో వారు మాట్లాడారు. ఎవరైనా సరే పార్టీ అభ్యర్థిని ప్రకటిస్తే అభ్యర్థులను గెలిపించాల్సిన బాధ్యత తెలుగుదేశం పార్టీ కార్యకర్తలు ప్రజల పైన ఉందన్నారు. డాక్టర్ బి. ఆర్ అంబేద్కర్ మనకు రాజ్యాంగం ఇస్తే కానీ ఎస్సీ, బీసీ ,బడుగు బలహీన వర్గాల వారికి రాజ్యాధికారం ఇచ్చింది మన ముఖ్యమంత్రి అన్నారు. ఆయన పాలనలో రాష్ట్రం సుభిక్షంగా ఉందన్నారు. నందికొట్కూరు పట్టణం నందనవనంగా తయారవుతుంది అన్నారు. ప్రజలందరూ గమనించుకొని ప్రశాంత వాతావరణంలో ఒక మంచి అభ్యర్థులను ఎంపిక చేసుకుని పట్టణ అభివృద్ధికి కృషి చేసుకున్నట్లయితే అందరూ కూడా ముందుకు వెళ్లినట్లు అవుతుందన్నారు. పార్టీ కూడా అందరి అభ్యర్థులను ఖరారు చేసే ప్రక్రియ ముగుస్తుందని త్వరలోనే అభ్యర్థులను ప్రకటిస్తామన్నారు. నందికొట్కూరు మున్సిపాలిటీ పైన తెలుగుదేశం పార్టీ జెండా రెపరెపలాడే విధంగా ప్రతి కార్యకర్త ,నాయకుడు పని చేస్తున్నారని తెలిపారు. ఈ కార్యక్రమంలో టిడిపి నాయకులు లాయర్ జాకీర్, మద్దిలేటి, గుంజు పల్లె భాస్కర్ రెడ్డి, ముర్తుజావలి, బోయ శేఖర్, గని, డాక్టర్ వనజ టిడిపి కార్యకర్తలు తదితరులు పాల్గొన్నారు.