మాజీ డిప్యూటీ సీఎం కృష్ణదాస్ ను కలిసిన జెడ్పీటీసీ..

నరసన్నపేట, సూర్య : నరసన్నపేట మండల జెడ్పీటీసీగా వైఎస్సార్ కాంగ్రెస్ పార్టీ తరఫున విజయం సాధించిన పంచిరెడ్డి సత్యనారాయణ, మబగాం క్యాంపు కార్యాలయంలో మాజీ ఉప ముఖ్యమంత్రి, వైఎస్సార్‌సీపీ జిల్లా అధ్యక్షుడు ధర్మాన కృష్ణదాస్‌ను మర్యాదపూర్వకంగా కలిశారు. ఈ సందర్భంగా ధర్మాన కృష్ణదాస్ ఆశీస్సులు తీసుకుని తన విజయాన్ని ఆయనతో పంచుకున్నారు. ఈ సందర్భంగా ధర్మాన కృష్ణదాస్ పంచిరెడ్డి సత్యనారాయణను అభినందించారు. ప్రజలు తనపై ఉంచిన నమ్మకాన్ని నిలబెట్టుకుంటూ మండల అభివృద్ధికి, ప్రజా సమస్యల పరిష్కారానికి కృషి చేయాలని ఆకాంక్షించారు. ఈ కార్యక్రమంలో మండల రైతు విభాగం అధ్యక్షుడు మడ్డు కృష్ణారావు, పంచిరెడ్డి శివ, పల్లి వెంకటేష్, పంచిరెడ్డి మాధవ, పట్నాన రమేష్ తదితరులు పాల్గొన్నారు.