మాదకద్రవ్యాల నివారణకు యువత కృషి చేయాలి..

అనంతపురం విద్య మేజర్ న్యూస్:-జేఎన్టీయూ అనంతపురం ఓటిపిఆర్ఐలో శుక్రవారం నషా ముక్త్ యువ అభియాన్ కార్యక్రమాన్ని నిర్వహించారు. వికసిత్ భారత్ ఆధ్వర్యంలో చేపట్టిన 100 వారాల నషా ముక్త్ యువజన కార్యక్రమంలో భాగంగా ఈ కార్యక్రమం నిర్వహించారు.
ఓటిపిఆర్ఐ సంచాలకులు ఆచార్య జి.వి. సుబ్బారెడ్డి నేతృత్వంలో జరిగిన కార్యక్రమానికి జేఎన్టీయూఏ ఎన్‌ఎస్‌ఎస్ సమన్వయకర్త ఆచార్య డాక్టర్ జి. మమత ముఖ్య అతిథిగా హాజరయ్యారు. ఈ సందర్భంగా సుబ్బారెడ్డి మాట్లాడుతూ.. మాదకద్రవ్యాల వినియోగం వల్ల ఆరోగ్యం దెబ్బతినడమే కాకుండా కుటుంబాలు, సమాజం తీవ్రంగా నష్టపోతాయని తెలిపారు. యువత మాదకద్రవ్యాలకు దూరంగా ఉండాలని పిలుపునిచ్చారు.
అనంతరం ఎన్‌ఎస్‌ఎస్ వాలంటీర్లకు వివిధ పోటీలు, అవగాహన చర్చలు నిర్వహించారు. కార్యక్రమంలో ఎన్‌ఎస్‌ఎస్ ప్రోగ్రాం అధికారులు లహరి, కె. సుధాకర్, డిప్యూటీ రిజిస్ట్రార్ బి. దుర్గాప్రసాద్, సూపరింటెండెంట్ ఎం.డి. నాగభూషణం, విద్యార్థులు పాల్గొన్నారు. మాదకద్రవ్యాల నివారణకు కృషి చేస్తామని విద్యార్థులు ప్రతిజ్ఞ చేశారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..