లింగాలలో ఇంటింటికీ టీడీ జనార్దన్ పర్యటన

వత్సవాయి మేజర్ న్యూస్ :- కూటమి ప్రభుత్వం రెండేళ్ల పాలనలో చేపట్టిన అభివృద్ధి, సంక్షేమ కార్యక్రమాలను ప్రజలకు వివరిస్తూ జాతీయ తెలుగుదేశం పార్టీ ఉపాధ్యక్షుడు, మాజీ ఎమ్మెల్సీ టీడీ జనార్దన్ లింగాల గ్రామంలో ఇంటింటికీ కార్యక్రమం నిర్వహించారు.రెండేళ్ల నమ్మకం – అభివృద్ధి – సంక్షేమం’ కార్యక్రమంలో భాగంగా గ్రామంలోని పలు కుటుంబాలను ఆయన నేరుగా కలుసుకున్నారు. ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాల గురించి ప్రజలకు వివరించారు. మహిళలు, రైతులు, యువత, విద్యార్థులు, వృద్ధులు, పేద కుటుంబాలకు ప్రభుత్వం చేపడుతున్న కార్యక్రమాలను వివరించినట్లు తెలిపారు.అలాగే తెలుగుదేశం పార్టీ ప్రకటించిన సూపర్ సిక్స్ హామీల అమలు తీరుపై ప్రజలకు వివరించారు. ప్రజల సమస్యలను నేరుగా తెలుసుకుని వాటి పరిష్కారానికి కృషి చేస్తామని టీడీ జనార్దన్ తెలిపారు.ఈ సందర్భంగా అమరావతి అభివృద్ధిపై ఆయన మాట్లాడుతూ.. అమరావతిని ఆధునిక మౌలిక సదుపాయాలతో కూడిన ప్రజా రాజధానిగా అభివృద్ధి చేయడం ప్రభుత్వ లక్ష్యమన్నారు. 2025-26 ఆర్థిక సంవత్సరంలో అమరావతి క్యాపిటల్ సిటీ డెవలప్‌మెంట్ ప్రాజెక్టుకు రూ.6 వేల కోట్ల బడ్జెట్ కేటాయింపు ఉందని తెలిపారు. తొలి త్రైమాసికానికి రూ.2,100 కోట్ల పరిపాలనా అనుమతులు జారీ అయ్యాయని చెప్పారు.అమరావతి హైకోర్టు భవనం ఎంఈపీ పనులకు రూ.556 కోట్ల పరిపాలనా అనుమతులు, ఆంధ్రప్రదేశ్ జ్యుడీషియల్ అకాడమీ నిర్మాణానికి రూ.165.33 కోట్ల పరిపాలనా అనుమతులు జారీ అయిన విషయాన్ని కూడా ప్రజలకు వివరించారు.ప్రజల సంక్షేమమే ప్రభుత్వ ప్రధాన లక్ష్యమని, గ్రామాల్లో ప్రజలను నేరుగా కలుసుకుని వారి సమస్యలను తెలుసుకుంటామని టీడీ జనార్దన్ పేర్కొన్నారు.ఈ కార్యక్రమంలో స్థానిక టీడీపీ నాయకులు, కార్యకర్తలు, గ్రామ ప్రజలు పాల్గొన్నారు.