కుందనాలంకరణలో రమా సమేత సత్యనారాయణ స్వామి

అనంతపురం మేజర్ న్యూస్ ప్రతినిధి:-
 శ్రీ రమా సమేత సత్యనారాయణ స్వామి దేవాలయంలో శరన్నవరాత్రి ఉత్సవాల్లో భాగంగా మూలవిరాట్ విగ్రహాలను కుందనాలతో సుందరంగా అలంకరించారు. ఉత్సవ విగ్రహాలకు మహాగౌరీ, సిద్ధిధాత్రి, మహిషాసురమర్దిని దేవి అలంకరణలు నిర్వహించారు. 
ఈ సందర్భంగా ఆలయ కమిటీ అధ్యక్షుడు అంబటి ఫణి రాజు, కార్యనిర్వాహక అధ్యక్షుడు తిరువీధుల జగదీష్ కుమార్, ప్రధాన కార్యదర్శి భూపాలం కిషోర్, కార్యదర్శులు జయం సుబ్రహ్మణ్య ప్రకాష్, బయనగారి బద్రి ఉత్సవ ఏర్పాట్లను పర్యవేక్షించారు. ప్రత్యేక పూజల అనంతరం భక్తులకు తీర్థప్రసాదాలు పంపిణీ చేశారు. శరన్నవరాత్రి వేడుకలతో ఆలయంలో ఆధ్యాత్మిక శోభ వెల్లివిరియగా, భక్తులు పెద్ద సంఖ్యలో పాల్గొని స్వామివారిని దర్శించుకున్నారు.

 మల్లికార్జున నేటి దినపత్రిక సూర్య స్టాఫ్ రిపోర్టర్