andhrapradesh
క్రోసూరులో 59 వ జాతీయ గ్రంథాలయ వారోత్సవాలు.
క్రోసూరు న్యూస్ : 59 వ జాతీయ గ్రంథాలయ వారోత్సవాలలో భాగంగా క్రోసూరు గ్రంధాలయంలో మూడవరోజు గ్రంథాలయ ఉద్యమకారులైన అయ్యంకి. వెంకట రమణయ్య , పాతూరి. నాగభూషణం, మరియు ఎస్సార్. రంగనాథన్, చిత్రపటాలకు పూలమాలలు వేసి నివాళులు అర్పించడం జరిగింది. ఈ కార్యక్రమంలో ముఖ్యఅతిథిగా ఉత్తమ ఉపాధ్యాయ అవార్డు గ్రహీత, హిందీ పండిట్, ఎస్ఎం. సుభాని, పాల్గొన్నారు. వారు మాట్లాడుతూ ప్రతి ఒక్క విద్యార్థి తమ లక్ష్యాన్ని చేరుకోవాలంటే కృషి పట్టుదల అవసరమని తెలిపారు. అలాగే విద్యార్థులు లక్ష్యాలను చేరుకోవడానికి కావలసిన అర్హతలను గురించి వివరించారు. అనంతరం గ్రంథాలయ అధికారి వై. వీరాంజమ్మ మాట్లాడుతూ గ్రంథాలయాలు విజ్ఞాన బండారాలని వాటిని సద్వినియోగం చేసుకొని తమ లక్ష్యాలను సాధించుకోవాలని కోరారు. అనంతరం విద్యార్థులకు స్వతంత్ర ఉద్యమ నాయకులు చిత్రాలను మరియు ప్రకృతి దృశ్యాలకు సంబంధించిన చిత్రలేఖను పోటీలు నిర్వహించడం జరిగింది. ఈ కార్యక్రమంలో పాఠశాల ఉపాధ్యాయులు షేక్. హసన్ మరియు గ్రంథాలయ పాఠకులు విద్యార్థులు పాల్గొన్నారు.