కూటమి అభ్యర్థులను గెలిపించండి -మంత్రి పార్థసారథి

నూజివీడు, మేజర్ న్యూస్ : అభివృద్ధిని కాంక్షించే ప్రతి ఒక్కరూ జరుగుతున్న పురపాలక సంఘం ఎన్నికలలో  ఓటమి అభ్యర్థుల విజయానికి కృషి చేయాలని రాష్ట్ర గృహ నిర్మాణ, సమాచార పౌర సంబంధాల శాఖ మంత్రి కొలుసు పార్థసారధి పిలుపు నిచ్చారు. ఆదివారం 15, 16వ వార్డుల్లో విస్తృతంగా పర్యటించి ముఖ్య నాయకులు, కార్యకర్తలతో మంత్రి కొలుసు పార్థసారథి సమావేశాన్ని నిర్వహించారు.  అనంతరం ఇంటింటికి వెళ్లి కూటమి ప్రభుత్వం అమలు చేస్తున్న పథకాలను వివరించి, తమ అభ్యర్థులకు ఓటు వేసి గెలిపించాలని అభ్యర్థించారు.  ఈ సందర్భంగా పలు సమస్యలను ఆయా వార్డు ప్రజలు మంత్రి దృష్టికి తీసుకువచ్చారు. వెంటనే స్పందించిన మంత్రి పార్థసారథి స్పందించిన దశలు వారీగా అన్ని పనులు పూర్తిచేస్తామని  హామీఇచ్చారు. ఎన్నికలు అవ్వగానే ఇంటి స్థలాలు కోసం ధరఖాస్తులు పెట్టుకున్న వారికి 100 మందికి ఇండ్లపట్టాలు అందజేస్తామని, ఒక కమ్యూనిటీ హాలు, ఒక ట్రాన్స్ఫార్మరు ఏర్పాటు చేస్తామన్నారు. స్వర్ణవార్డు సచివాలయానికి అదనంగా ప్రజలకు ఉపయోగపడేలా ఒక హాలు నిర్మాణానికి 200 సిమెంటు రాళ్లు, ఒక ట్రంకు ఇసుకను అందిస్తామని అన్నారు.ఈ సందర్భంగా మంత్రి కొలుసు పార్థసారథి ​మాట్లాడుతూ పట్టణ సమగ్ర అభివృద్ధి కూటమి ప్రభుత్వంతోనే సాధ్యమని చెప్పారు. రాష్ట్రంలో కూటమి ప్రభుత్వం అధికారంలోకి వచ్చాక అభివృద్ధి, సంక్షేమానికి పెద్దపీట వేశామని అన్నారు. పట్టణంలో త్రాగునీరు, సీసీ రోడ్డులు, డ్రైనేజీ వ్యవస్థ, సీసీ రోడ్లు, పార్కులు, కమ్యూనిటీ హాలు, తదితర పనులకు అధిక ప్రాధాన్యం ఇస్తున్నామని అన్నారు. స్థానిక సంస్థల్లో కూటమి అభ్యర్థులు గెలిస్తేనే అభివృద్ధి పనులు మరింత వేగవంతంగా సాగుతాయని, పార్టీలు కార్యకర్తలు, నేతలు విభేదాలు లేకుండా సమన్వయంతో ప్రతి ఇంటికీ వెళ్లి ప్రభుత్వం చేస్తున్న మంచిని వివరించాలని తెలిపారు. కూటమి అభ్యర్థులు తిరుగులేని మెజార్టీ సాధించేలా ప్రతి ఒక్కరూ సైనికుల్లా పనిచెయ్యాలని కోరారు. ​ఈ కార్యక్రమంలో చైర్మన్ అభ్యర్థి బర్రె ఇళయరాజా, పోటీలో ఉన్న అధికారిక అభ్యర్థులు,కూటమి పార్టీనాయకులు, వార్డు నాయకులు, కార్యకర్తలు, అభిమానులు, వార్డు ప్రజలు, మహిళలు  పెద్ద సంఖ్యలో పాల్గొన్నారు.

 రిపోర్టర్ టీవీఎస్ ప్రసాద్ నూజివీడు ఏలూరు జిల్లా,