కూలిన భారీ వృక్షం. స్పందించిన రెవిన్యూ శాఖ * పోలీస్,ఎన్డీఆర్ఎఫ్, ఆర్ అండ్ బి సహకారంతో *

సీతంపేట, సూర్య :  దొనుభాయి–సీతంపేట ప్రధాన రహదారిలో జమ్మడగూడ గ్రామం వద్ద భారీ చెట్టు పడిపోవడంతో రెవెన్యూ శాఖ ముందస్తుగా స్పందించి, సంబంధిత శాఖల అధికారులను సమన్వయం చేస్తూ సహాయక చర్యలు  గురువారం చేపట్టింది. హెచ్ డి టి మల్లేశ్వర రావు,  డిప్యూటీ తహసీల్దార్ కె. శ్రీవిద్య,  వి ఆర్ ఈశ్వర్ తదితర రెవెన్యూ సిబ్బంది ఎన్ డి ఆర్ ఎఫ్,  ఆర్ అండ్ బి, పోలీస్ శాఖ, పాలకొండ అగ్నిమాపక శాఖ సిబ్బందితో సమన్వయం చేసుకుని చెట్టును తొలగించి ట్రాఫిక్‌ను పునరుద్ధరించారు. ప్రస్తుతం వాహనాల రాకపోకలు సజావుగా సాగుతున్నాయి. రెవెన్యూ శాఖ ముందస్తు చొరవతో సకాలంలో సహాయక చర్యలు చేపట్టడంపై స్థానిక ప్రజలు సంతోషం వ్యక్తం చేస్తూ, అధికారులకు, సిబ్బందికి అభినందనలు తెలిపారు.