గ్రామాల్లో టీడీపీ జడ్పీటీసీ అభ్యర్థి విస్తృత ప్రచారం

లక్కవరపుకోట, సూర్య : మండలంలోని గ్రామాల్లో టీడీపీ జడ్పీటీసీ అభ్యర్థి కరెడ్ల ఈశ్వరరావు విస్తృతంగా ఎన్నికల ప్రచారం నిర్వహిస్తున్నారు. గురువారం ఎల్.కోట, సీతారాంపురం గ్రామాల్లో ఎంపీటీసీ అభ్యర్థితో కలిసి ఆయన ప్రచారంలో పాల్గొన్నారు. ఈ సందర్భంగా గ్రామస్థులను కలుసుకుంటూ ఎన్నికల్లో తమకు మద్దతు ఇవ్వాలని కోరారు. ఈ కార్యక్రమంలో టీడీపీ రాష్ట్ర కార్యనిర్వాహక కార్యదర్శి కోళ్ల రాంప్రసాద్, మార్కెట్ కమిటీ చైర్మన్ చొక్కాకుల మల్లునాయుడు, గోలజాం, సీతారాంపురం గ్రామాలకు చెందిన టీడీపీ నాయకులు, కార్యకర్తలు, గ్రామస్థులు అధిక సంఖ్యలో పాల్గొన్నారు.