కోనసీమ పోలీస్ శాఖలో నూతన డాగ్ కెన్నెల్ ప్రారంభం..
ముమ్మిడివరం మేజర్ న్యూస్ అంబేద్కర్ కోనసీమ జిల్లా :కోనసీమ జిల్లా పోలీస్ శాఖలో నూతనంగా ఏర్పాటు చేసిన డాగ్ కెన్నెల్‌ను జిల్లా ఎస్పీ రాహుల్ మీనా, ఐపీఎస్ ప్రారంభించారు.పోలీస్ శాఖలో నేర పరిశోధన, పేలుడు పదార్థాల గుర్తింపు, అనుమానాస్పద వస్తువుల తనిఖీల్లో కీలకంగా పనిచేస్తున్న డాగ్ స్క్వాడ్‌కు మాయ నార్కోటిక్ ట్రేకర్ నూతనంగా చేరడం తో మెరుగైన సౌకర్యాలు కల్పించే ఉద్దేశంతో ఈ నూతన కెన్నెల్‌ను ఏర్పాటు చేశారు.
డాగ్ స్క్వాడ్‌లో పనిచేస్తున్న శునకాలకు వసతి, ఆహారం, ఆరోగ్య పరిరక్షణ, శిక్షణ తదితర సౌకర్యాలు అందుబాటులో ఉండేలా కెన్నెల్‌ను రూపొందించారు.అత్యవసర సమయాల్లో డాగ్ స్క్వాడ్ సేవలను మరింత సమర్థవంతంగా వినియోగించుకునేందుకు, శునకాలకు నిరంతర శిక్షణ అందించేందుకు ఈ కెన్నెల్ ఉపయోగపడనుంది
ఈ సందర్భంగా ఎస్పీ రాహుల్ మీనా మాట్లాడుతూ.. పోలీస్ శాఖలో డాగ్ స్క్వాడ్‌కు ప్రత్యేక ప్రాధాన్యత ఉందని, నేరాల ఛేదనలో శిక్షణ పొందిన శునకాలు కీలక పాత్ర పోషిస్తున్నాయని తెలిపారు.కార్యక్రమంలో అదనపు ఎస్పీ, డీఎస్పీలు, ఆర్‌ఐలు, ఎస్‌ఐలు, ఆర్‌ఎస్ఐలు, డాగ్ స్క్వాడ్ సిబ్బంది, ఇతర పోలీస్ అధికారులు పాల్గొన్నారు.
