17వ డివిజన్‌లో అదరగొట్టిన ఫ్లాష్ మాబ్స్.. - విజయవాడ ఉత్సవ్ 2.0కు విస్తృత ప్రచారం
కృష్ణలంక, మేజర్ న్యూస్ : విజయవాడ ఉత్సవ్ 2.0 ప్రచారంలో భాగంగా విజయవాడ తూర్పు నియోజకవర్గంలోని 17వ డివిజన్ రాణిగారితోట సెంటర్‌లో నిర్వహించిన ఫ్లాష్ మాబ్స్ కార్యక్రమం స్థానికులను విశేషంగా ఆకట్టుకుంది. యువత ఉత్సాహభరిత నృత్య ప్రదర్శనలతో నాలుగు రోడ్ల కూడలి సందడిగా మారగా, కార్యక్రమాన్ని వీక్షించేందుకు స్థానికులు పెద్ద సంఖ్యలో తరలివచ్చారు. యువత నృత్యాలను సెల్‌ఫోన్లలో చిత్రీకరిస్తూ ఉత్సాహంగా అభినందించారు. ఫ్లాష్ మాబ్స్ ద్వారా విజయవాడ ఉత్సవ్ 2.0 విశేషాలను ప్రజల్లోకి విస్తృతంగా తీసుకెళ్లారు. కార్యక్రమంలో టీడీపీ సీనియర్ నాయకులు కొప్పొలు శ్రీనివాస్ చౌదరి, టీడీపీ 18వ డివిజన్ అధ్యక్షుడు కొక్కెర తిరుపతయ్యతో పాటు నాయకులు, కార్యకర్తలు పాల్గొన్నారు. నగరంలోని వివిధ ప్రాంతాల్లో వినూత్న ప్రచార కార్యక్రమాలు నిర్వహిస్తూ యువతను పెద్దఎత్తున భాగస్వాములను చేస్తున్నామని నిర్వాహకులు తెలిపారు.
✍️ ప్రేమ్ రాజ్, విజయవాడ.
