కంబాలపల్లి ఎంపీటీసీగా తిక్కమ్మనేని మంజుల ఏకగ్రీవం

రాపూరు,   మేజర్ న్యూస్ :   నెల్లూరు జిల్లా రాపూరు మండల పరిధిలోని కంబాలపల్లి ఎంపీటీసీ స్థానానికి తెలుగుదేశం పార్టీ అభ్యర్థి తిక్కమ్మనేని మంజుల ఏకగ్రీవంగా ఎన్నికయ్యారు. నామినేషన్ల పరిశీలన, ఉపసంహరణల ప్రక్రియ ముగిసిన అనంతరం ఆమె ఎన్నిక ఏకగ్రీవమైనట్లు ఎన్నికల అధికారులు అధికారికంగా ప్రకటించారు. ​ఈ సందర్భంగా మండల కేంద్రంలో రిటర్నింగ్ అధికారి వెంకటేశ్వర్లు చేతుల మీదుగా ఆమె ఎన్నిక ధ్రువీకరణ పత్రాలను అందుకున్నారు. నూతనంగా ఎన్నికైన తిక్కమ్మనేని మంజులకు శాలువాలు కప్పి, పూలమాలలు వేసి మిఠాయిలు పంచి ఘనంగా శుభాకాంక్షలు తెలిపారు. కంబాలపల్లి పరిధిలోని గ్రామాల సమగ్ర అభివృద్ధికి, ప్రజా సమస్యల పరిష్కారానికి నిరంతరం కృషి చేస్తానని ఈ సందర్భంగా మంజుల స్పష్టం చేశారు. ఈ కార్యక్రమంలో స్థానిక టీడీపీ నాయకులు, కార్యకర్తలు, తదితరు పెద్ద సంఖ్యలో పాల్గొన్నారు.