కడపలో వైసీపీ ఎన్నికల ప్రచారం ఉధృతం

చింతకొమ్మదిన్నె మేజర్ న్యూస్:కడప నగరంలో వైఎస్సార్ కాంగ్రెస్ పార్టీ ఎన్నికల ప్రచారం ఊపందుకుంది. వైఎస్సార్‌సీపీ స్టేట్ ఎగ్జిక్యూటివ్ మెంబర్ రాజోలి వీరారెడ్డి ఆధ్వర్యంలో విశ్వనాథపురం ప్రాంతంలో ఎన్నికల ప్రచారం నిర్వహించారు. ఈ సందర్భంగా మాజీ ముఖ్యమంత్రి వైఎస్ జగన్ మోహన్ రెడ్డి ప్రభుత్వ హయాంలో అమలు చేసిన అభివృద్ధి కార్యక్రమాలు, సంక్షేమ పథకాలను ప్రజలకు వివరిస్తూ పార్టీ అభ్యర్థులకు మద్దతుగా ఓట్లు అభ్యర్థించారు.వైఎస్సార్‌సీపీ మేయర్ అభ్యర్థి బండి దీప్తి రెడ్డిని గెలిపించాలని రాజోలి వీరారెడ్డి ఓటర్లను కోరారు. ప్రజల సంక్షేమం, అభివృద్ధికి వైఎస్సార్‌సీపీ ప్రభుత్వం గతంలో చేపట్టిన కార్యక్రమాలను ప్రజలకు వివరించారు. పార్టీ అభ్యర్థులను గెలిపించడం ద్వారా ప్రజలకు మరింత మెరుగైన సేవలు అందించే అవకాశం కల్పించాలని విజ్ఞప్తి చేశారు.ఈ ప్రచార కార్యక్రమంలో వైఎస్సార్‌సీపీ నాయకులు, కార్యకర్తలు పాల్గొని ఇంటింటికీ వెళ్లి పార్టీ అభ్యర్థులకు మద్దతుగా ప్రచారం నిర్వహించారు. ఎన్నికల్లో పార్టీ విజయమే లక్ష్యంగా నాయకులు, కార్యకర్తలు సమన్వయంతో ముందుకు సాగుతున్నారు.