కౌసర్ ను గెలిపించాలని జనసేన జిల్లా అధ్యక్షులు టి సి వరుణ్ విస్తృత ప్రచారం.. 32వ డివిజన్లో ఇంటింటికి వెళ్లి ఓటు అభ్యర్థన

అనంతపురం ప్రతినిధి మేజర్ న్యూస్:- అనంతపురం నగర పాలక సంస్థ  పరిధిలోని 32వ డివిజన్   కూటమి ( జనసేన) అభ్యర్థి కౌసర్ ను  అఖండ మెజారిటీతో గెలిపించాలని జనసేన జిల్లా అధ్యక్షులు, అహుడ చైర్మన్ టీసీ వరుణ్ కోరారు. గురువారం ఆయన కూటమి అభ్యర్థి కౌసర్, మార్కెట్ యార్డ్ వైస్ చైర్మన్ అర్షద్ తో కలిసి  డివిజన్ లో ఇంటింటికి వెళ్తూ విస్తృతంగా ప్రచారం నిర్వహించారు. డివిజన్ ప్రజలకు సుపరిచితురాలు, సమస్యల పట్ల అవగాహన వాటి పరిష్కారం పట్ల చిత్తశుద్ధి కలిగిన కౌసర్ ను అఖండ మెజారిటీతో గెలిపించాలని కోరారు. మేయర్ అభ్యర్థి అజేష్ యాదవ్ కమలం గుర్తుకు, కార్పొరేటర్ అభ్యర్థి కౌసర్  గాజు గ్లాసు గుర్తుకు ఓటు వేసి గెలిపించాలని వరుణ్  విజ్ఞప్తి చేశారు. కార్యక్రమంలో జనసేన పార్టీ సీనియర్ నాయకులు  కాయగూరల లక్ష్మీపతి, ఇమామ్ హుస్సేన్, అంగడి చలపతి తదితరులు పాల్గొన్నారు.

 మల్లికార్జున నేటి దినపత్రిక సూర్య స్టాప్ రిపోర్టర్