కనకమహలక్ష్మి అమ్మవారి ఆలయంలో 11 నుంచి దేవీ నవరాత్రులు

చీపురుపల్లి సూర్య న్యూస్:చీపురుపల్లి గ్రామ దేవత శ్రీ  కనక మహాలక్ష్మి అమ్మవారి ఆలయంలో 11 నుండి 20 వరకు  శ్రీ అమ్మవారికి అత్యంత ప్రీతిపాత్రమైన దేవీ శరన్నవరాత్రి మహోత్సవాలు ప్రారంభమవుతాయని ఆలయ కమిటీ చైర్మన్ గవిడి నాగరాజు, ఈవో నానాజీబాబు తెలిపారు. శరన్నవరాత్రి తొమ్మిది  రోజులు కూడా శ్రీ అమ్మవారికి విశేష అవతారాల అలంకరణ ల్లో భక్తులకు దర్శనం ఇస్తారని తెలిపారు. ప్రతిరోజు ప్రత్యేక కుంకుమార్చన, హోమం, పూజలు ఉంటాయన్నారు. అదేవిధంగా  ఆదివారం దుర్గాష్టమి సందర్భంగా ప్రత్యేకంగా లక్ష కుంకుమార్చన, అష్టోత్తర శత కలశం పూజలు అమ్మవారికి చేస్తారని వివరించారు. కావున భక్తులు  ఈ కార్యక్రమంలో పాల్గొని   అమ్మవారి తీర్థప్రసాదాలు స్వీకరించి కృపకు పాత్రలు కాగలరని వారు కోరారు.