కాంట్రాక్టు ఉద్యోగుల నిరవధిక ధర్నా

బాపట్ల, మేజర్ న్యూస్ 

తమ డిమాండ్లను ప్రభుత్వం పరిష్కరించే వరకు నిరవధిక ధర్నా కొనసాగిస్తామని ఆరోగ్యశాఖ కాంట్రాక్టు ఉద్యోగుల జేఏసీ సభ్యుడు కోరపాటి సత్యంరాజు తెలిపారు. రాష్ట్ర జేఏసీ పిలుపు మేరకు మంగళవారం బాపట్ల అమరజీవి పొట్టి శ్రీరాములు ఏరియా వైద్యశాల వద్ద కాంట్రాక్టు, ఔట్‌సోర్సింగ్‌ ఉద్యోగులు నిరసన చేపట్టారు. గత 30 రోజులుగా భోజన విరామ సమయంలో శాంతియుతంగా నిరసనలు చేపట్టినా ప్రభుత్వం స్పందించకపోవడంతో నిరవధిక ధర్నాకు దిగినట్లు సత్యంరాజు తెలిపారు. కరోనా సమయంలో ట్రూనాట్‌, ఆర్టీపీసీఆర్‌ పరీక్షలు, స్వాబ్‌ సేకరణ వంటి సేవలను అందించామని గుర్తుచేశారు. ఉద్యోగులను రెగ్యులర్‌ చేయడంతో పాటు 100 శాతం గ్రాస్‌ పే, ఉద్యోగి మరణిస్తే రూ.50 లక్షల ఎక్స్‌గ్రేషియా, బదిలీ సౌకర్యం కల్పించాలని డిమాండ్‌ చేశారు. డిమాండ్లు పరిష్కరించే వరకు నిరసనలు కొనసాగుతాయని స్పష్టం చేశారు.