కడపలోని విజయదుర్గ దేవి ఆలయంలో దసరా ఉత్సవాలు ప్రారంభం

శైలపుత్రి దేవిగా దర్శనమిచ్చిన శ్రీ విజయదుర్గాదేవి

శరన్నవరాత్రి ఉత్సవాల్లో భాగంగా కడప శ్రీ విజయదుర్గాదేవి ప్రధమ స్వరూపమైన "శైలపుత్రి" గ మొదటి రోజున దర్శనమిచ్చారు. పర్వత రాజైన హిమవంతుని పుత్రికగ జన్మించడంతో ఆ తల్లికి శైలపుత్రి దేవిగా పూజలు,ఉపాసనాలు జరపబడుతాయి. ఆలయంలో మొదటిరోజున శ్రీ విజయదుర్గాదేవికి తెల్లవారుజామున పుణ్యనది జలాలతో నిండిన 9 విశేష కళాశాలతో నవకలశస్నపనం (విశేష అభిషేకం) వైభవంగా నిర్వహించారు. సుస్వర వేదమంత్రాలు, మంగలవాయిద్యాల నడుమ ఈ కార్యక్రమాన్ని నిర్వహించారు. అనంతరం యాగశాల ప్రవేశం, అనంతరం చండీహోమ కార్యక్రమాలను నిర్వహించారు. అనంతరం శ్రీచక్రమండపంలో శ్రీచక్రార్చనలు, అలాగే శ్రీ విజయదుర్గాదేవికి మహానివేదన, మంగళహారతులు నిర్వహించారు. సాయంత్రం 6 గలకు ఆలయంలో మొదటిరోజు పూజ కార్యక్రమంలో భాగంగా "అష్టదళపద్మారాధన" కార్యక్రమాన్ని ఆలయ నిర్వాహకులు శ్రీ దుర్గాప్రసాద్ గారు కుటుంబసమేతంగా నిర్వహించారు. అనంతరం అమ్మవారు శైలపుత్రి దేవిగా భక్తులకు దర్శనమిచ్చారు. రాత్రి 8 గలకు శ్రీ విజయదుర్గ మల్లికార్జునులను సింహ వాహనంపై ఆలయ ప్రదక్షిణ నిర్వహించారు.

 కడప క్రైమ్ రిపోర్టర్, వేణు.