జోరు వానలో సైతం వైసీపీ జడ్పిటిసి అభ్యర్థి అల్లు విజయ ముమ్మర ప్రచారం
.సీతానగరం, అక్టోబరు 2,7 (మేజర్ న్యూస్):
మండలంలో జోరు వాన లో సైతం లెక్కచేయకుండా వైసిపి జెడ్పిటిసి అభ్యర్థి అల్లు విజయ ప్రచారం నిర్వహిస్తున్నారు. ఈ మేరకు మంగళవారం నాడు మండలంలో రంగంపేట. కోట సీతారాంపురం. పణుకుపేట. దయనీధిపురం. గాదిలవలస. జానుమల్లువలస. చినంకలం పంచాయతీ పరిధిలోని ఎంపీటీసీ సెగ్మెంట్లలో వైఎస్సార్‌ కాంగ్రెస్ పార్టీ అభ్యర్థులు ఎన్నికల ప్రచారాన్ని ముమ్మరంగా నిర్వహిస్తున్నారు. ఈ సందర్భంగా జడ్పిటిసి అభ్యర్థి అల్లు విజయ ఆయా ప్రాంతాల్లో ప్రజా ప్రతినిధులు. గ్రామ పెద్దలు .గ్రామస్తుల ఇంటింటికీ వెళ్లి కలుస్తూ, తమకు మద్దతు ఇవ్వాలని అభ్యర్థిస్తున్నారు. స్థానిక సమస్యల పరిష్కారం, మౌలిక సదుపాయాల కల్పన, గ్రామాల అభివృద్ధికి ప్రాధాన్యమిస్తామని ప్రజలకు వివరిస్తూ
స్థానిక ప్రజల వారి సమస్యలను తెలుసుకుంటూ, ఎన్నికల్లో తనకు అవకాశం కల్పిస్తే ప్రజల అవసరాలకు అనుగుణంగా అభివృద్ధి కార్యక్రమాల కోసం కృషి చేస్తానని తెలియజేస్తున్నారు. ప్రజలకు ఎల్లప్పుడూ అందుబాటులో ఉంటూ, వీధుల్లో నెలకొన్న సమస్యల పరిష్కారానికి సంబంధిత అధికారుల దృష్టికి అంశాలను తీసుకెళ్తానని భరోసా ఇస్తున్నారు. ఈ కార్యక్రమంలో ఆయా గ్రామాల వైసిపి ఎంపిటిసి అభ్యర్థులతో పాటు పలువురు పార్టీ నాయకులు కార్యకర్తలు తదితరులు పాల్గొన్నారు.
