జగ్గయ్యపేట పట్టణంలో కూటమి ప్రచార హోరు

జగ్గయ్యపేట మేజర్ న్యూస్ :-మున్సిపల్ ఎన్నికల నేపథ్యంలో జగ్గయ్యపేట పట్టణంలో కూటమి ఎన్నికల ప్రచారం జోరుగా సాగుతోంది. ఇందులో భాగంగా పట్టణంలోని 5వ వార్డులో కూటమి అభ్యర్థులు విస్తృతంగా పర్యటిస్తూ ప్రజల మద్దతును కోరారు.

5వ వార్డులో తెలుగుదేశం పార్టీ బలపరిచిన కూటమి చైర్మన్ అభ్యర్థి నరేంద్రుల వినిత ,జగ్గయ్యపేట నియోజకవర్గ జనసేన పార్టీ ఎన్నికల సమన్వయకర్త, యువ నాయకులు సామినేని వెంకటకృష్ణ ప్రసాద్ , 5వ వార్డు కౌన్సిలర్ అభ్యర్థి కొలగాని రాము  స్థానిక కూటమి నాయకులతో కలిసి ఎన్నికల ప్రచారం నిర్వహించారు

వార్డులోని ప్రతి ఇంటికీ వెళ్లి ప్రజలను ఆప్యాయంగా పలకరిస్తూ కూటమి అభ్యర్థులకు మద్దతు ఇవ్వాలని విజ్ఞప్తి చేశారు.

ఈ సందర్భంగా కూటమి అభ్యర్థులు ప్రజలతో మమేకమై వారి సమస్యలను తెలుసుకుంటూ, పట్టణ అభివృద్ధికి కూటమి కట్టుబడి ఉందనే సందేశాన్ని ప్రజల్లోకి తీసుకెళ్లారు. జగ్గయ్యపేట పట్టణాన్ని మరింత అభివృద్ధి పథంలో నడిపించేందుకు ప్రజల సహకారం, ఆశీస్సులు అవసరమని పేర్కొంటూ, నవంబర్ 1వ తేదీన జరగనున్న ఎన్నికల్లో కూటమి అభ్యర్థులను అఖండ మెజారిటీతో గెలిపించాలని కోరారు._

అనంతరం 5వ వార్డు నుండి సామినేని ఉదయభాను  ఆశీస్సులతో జనసేన పార్టీ నుండి ఏకగ్రీవంగా ఎన్నికైన కొలగాని రాము ని ఈ సందర్భంగా అభినందించారు

రిపోర్టర్ :-శివా జగ్గయ్యపేట ఎన్టీఆర్ జిల్లా