జిల్లా పోలీసు ప్రధాన కార్యాలయంలో ఆయుధపూజ : హాజరైన ఎస్పీ ధీరజ్ కునుబిల్లి

మదనపల్లె,మేజర్ న్యూస్ : అన్నమయ్య జిల్లా కేంద్రమైన మదనపల్లి పట్టణంలోని జిల్లా పోలీసు ప్రధాన కార్యాలయంలో సోమవారం దసరా పర్వదినం సందర్భంగా ఆయుధపూజ కార్యక్రమాన్ని అత్యంత ఘనంగా నిర్వహించారు.జిల్లా ఎస్పీ ధీరజ్ కునుబిల్లి ఐపీఎస్ ఆయుధాలు,పోలీసు వాహనాలకు స్వయంగా పూజలు చేసి,సిబ్బందికి ఎలాంటి అపాయాలు కలుగకుండా సురక్షితంగా ఉండాలని అమ్మవారిని ప్రార్థించారు.దసరా చెడుపై మంచి సాధించిన విజయానికి ప్రతీక అని పేర్కొన్న ఎస్పీ జిల్లా ప్రజలకు,పోలీసు కుటుంబాలకు,మీడియా ప్రతినిధులకు శుభాకాంక్షలు తెలిపారు.ఈ కార్యక్రమంలో అదనపు ఎస్పీ ఎం.వెంకటాద్రి,పలువురు సీఐలు,రిజర్వ్ ఇన్స్పెక్టర్లు,ఇతర పోలీసు అధికారులు,సిబ్బంది పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి