జీవీఎంసీ ఎన్నికల పోలింగ్ కేంద్రాలను క్షేత్రస్థాయిలో పరిశీలించిన విశాఖ రేంజ్ ఐజీ గోపీనాథ్ జట్టి

​పరవాడ, నవంబర్ 1, మేజర్ న్యూస్:
అనకాపల్లి జిల్లా పరిధిలో ఆదివారం నిర్వహించిన జీవీఎంసీ మున్సిపల్ ఎన్నికల పోలింగ్ ప్రక్రియ అత్యంత ప్రశాంతమైన వాతావరణంలో ప్రారంభమై సజావుగా కొనసాగుతోంది. ఎన్నికల బందోబస్తు, భద్రతా ఏర్పాట్లను స్వయంగా పర్యవేక్షించేందుకు విశాఖపట్నం రేంజ్ ఐజీ  గోపీనాథ్ జట్టి స్వయంగా క్షేత్రస్థాయిలోకి దిగి పలు పోలింగ్ కేంద్రాలను ఆకస్మికంగా తనిఖీ చేశారు. ​ఈ సందర్భంగా పరవాడ పరిధిలోని లంకెలపాలెం జడ్పీ హైస్కూల్‌లోని సమస్యాత్మక (హైపర్‌సెన్సిటివ్) పోలింగ్ కేంద్రాన్ని ఐజీ సందర్శించారు. అక్కడ ఏర్పాటు చేసిన 5 పోలింగ్ స్టేషన్లను, ఓటర్ల క్యూలైన్లను పరిశీలించి బందోబస్తు తీరును సమీక్షించారు. పరవాడ పరిధిలోని 8 లొకేషన్లలో ఉన్న మొత్తం 18 పోలింగ్ స్టేషన్లలో పటిష్ట భద్రతా చర్యలు అమలులో ఉన్నాయని అధికారులు ఈ సందర్భంగా వివరించారు. ఈ పర్యటనలో ఐజీ వెంట స్థానిక పరవాడ సీఐ ఎల్.భాస్కరరావు,  ఇతర పోలీస్ సిబ్బంది పాల్గొన్నారు