జాతీయస్థాయి స్కూల్ గేమ్స్ లో విద్యార్థులు

నేటి దినపత్రిక సూర్య బ్యూరో రాజమహేంద్రవరంఅనంతపురం జిల్లా తాడిపత్రిలో ఈనెల 12, 13, 14 తేదీలలో జరిగిన 70వ రాష్ట్రస్థాయి స్కూల్ గేమ్స్ తైక్వాండో పోటీలలో డాక్టర్ బి.ఆర్. అంబేద్కర్ కోనసీమ జిల్లా విద్యార్థులు ప్రతిభ కనబరిచి,అంబాజీపేటకు చెందిన విద్యార్థులు పతకాల సాధించారు. యు/14 బాలికల 20 కేజీల విభాగంలో అంబాజీపేట జెడ్పీ హైస్కూల్ విద్యార్థినులు కుడుపూడి కావ్య, సుందరి హరిప్రియలు గోల్డ్ మెడల్స్ ,38 కేజీల విభాగంలో తొండవరం హైస్కూల్ విద్యార్థిని మంద మౌనిక సిల్వర్ మెడల్,

యు/17 బాలుర 41 కేజీల విభాగంలో  సెంట్ మేరీ హైస్కూల్ విద్యార్థి బైరిశెట్టి హేమ రితిక్ బ్రాంజ్ మెడల్స్  సాధించారు.రాష్ట్రస్థాయిలో గోల్డ్ మెడల్ సాధించిన కుడుపూడి కావ్య, సుందరి హరిప్రియలు నవంబర్ నెలలో హిమాచల్ ప్రదేశ్ లో జరగబోయే జాతీయస్థాయి తైక్వాండో స్కూల్ గేమ్స్ పోటీలకు ఎంపికైనట్లు జిల్లా తైక్వాండో ప్రధాన కార్యదర్శి పి. త్రిమూర్తులు తెలిపారు. విజేతలను ప్రజా ప్రతినిధులు, స్కూల్ యాజమాన్య కమిటీ సభ్యులు,ఎంఈఓ మోకా ప్రకాష్,హెచ్ ఎం కె.సాయిరాం,కోచ్ లు టి. రాజశేఖర్,డి.రాఘవేంద్ర, క్రీడాకారులు అభినందించారు.