జానపాడులో చరిత్ర సృష్టించిన వునం దీపిక ర్యాలీ - కదం తొక్కిన జనసంద్రం, దద్దరిల్లిన జానపాడు

పిడుగురాళ్ల రూరల్ న్యూస్  :జానపాడులో ప్రచారం ప్రారంభమైంది. వందలాది బైకులతో యువత ర్యాలీగా బయలుదేరారు. ముందు డీజే సౌండ్, వెనుక లక్షల మంది జనం. జై దీపికమ్మ, జై యరపతినేని, జై చంద్రబాబుఅనే నినాదాలతో జానపాడు గ్రామం మొత్తం మార్మోగిపోయింది.మహిళలు ఇంటి ముందు ముగ్గులు వేసి, హారతులతో దీపికకు బ్రహ్మరథం పట్టారు. వృద్ధులు ఆశీర్వదించారు. చిన్న పిల్లలు సైతం పార్టీ జెండాలు పట్టుకుని ర్యాలీలో పాల్గొనడం విశేషం.ఎమ్మెల్యే యరపతినేని ఏమన్నారంటే. ఈ సందర్భంగా ఎమ్మెల్యే యరపతినేని శ్రీనివాసరావు మాట్లాడుతూ "40 ఏళ్ల నా రాజకీయ జీవితంలో ఇంతటి ఆదరణ ఎప్పుడూ చూడలేదు. వునం కుటుంబం ఎప్పుడూ ప్రజల కోసం పని చేసే కుటుంబం. దీపిక లాంటి చదువుకున్న, యువతి గెలిస్తే జానపాడు రూపురేఖలు మారిపోతాయి. చంద్రబాబు నాయుడు గారి సంక్షేమ పథకాలను ప్రతి ఇంటికి తీసుకెళ్లే బాధ్యత దీపిక తీసుకుంటుంది" అని అన్నారు.