గుంటూరులో పేకాట ఆడుతున్న 18 మంది అరెస్ట్
గుంటూరు : గుంటూరు నగరంలోని బారా ఇమామ్ పంజా సెంటర్ లోని ఓ ఇంటి పై పేకాట నిర్వహిస్తున్నట్లు లాలాపేట పోలీసులకు అందిన సమాచారం మేరకు లాలాపేట పోలీసులు మంగళవారం అర్ధరాత్రి సదరు ఇంటిపై దాడి నిర్వహించారు. ఇంటిలో 18 మంది వ్యక్తులు పేక ముక్కలతో డబ్బులు పందెంగా పెట్టి కొత్త ముక్క ఆట ఆడుతున్నట్లు గుర్తించి వారందరినీ అదుపులోకి తీసుకొని అరెస్టు చేసినట్లు సీఐ శివప్రసాద్ తెలిపారు. అనంతరం వారి వద్ద ఉన్న నగదు, ఇతర వస్తువులను తనిఖీ చేయగా, మొత్తం రూ.1,39,110 నగదు, 52 పేక ముక్కలు, 17 సెల్ఫోన్లు స్ స్వాదిన పరుచుకొని కేసు నమోదు చేయడం జరిగిoదని సీఐ తెలిపారు. సిఐ శివప్రసాద మాట్లాడుతూ నగర పరిధిలో అక్రమ పేకాట, జూదం వంటి చట్టవిరుద్ధ కార్యకలాపాలకు పాల్పడే వారిపై కఠినమైన చట్టపరమైన చర్యలు తీసుకుంటామని హెచ్చరించారు. ప్రజలకు ఇటువంటి కార్యకలాపాల సమాచారం తెలిసిన వెంటనే పోలీసులకు తెలియజేయాలని సిఐ తెలిపారు.
కె నాగరాజు గుంటూరు క్రైమ్