గుడ్డికాయలంకలో పౌరాణిక పద్య నాటక మహోత్సవాలు ప్రారంభం*

రేపల్లె మేజర్ న్యూస్;ఆంధ్రప్రదేశ్ రాష్ట్ర సృజనాత్మకత  సంస్కృతి వారి సౌజన్యంతోభాషా సాంస్కృతిక శాఖ ఆధ్వర్యంలో శ్రీ సీతా రామాంజనేయ నాట్య మండలి, గుడ్డికాయలంక వారి ఆధ్వర్యంలో పౌరాణిక పద్య నాటక మహోత్సవాలు శ్రీ దేవీ శరన్నవరాత్రులు అంగరంగ వైభవంగా ప్రారంభమయ్యాయి. గుడ్డికాయలంక గ్రామంలో అక్టోబర్ 17, 18, 19 తేదీలలో 3 రోజుల పాటు ఈ మహోత్సవాలు జరగనున్నాయి.ఈ కార్యక్రమంలో ప్రముఖ పద్య నాటక కళాకారులు పౌరాణిక నాటకాలు ప్రదర్శించనున్నారు. తెలుగు సంస్కృతి, సంప్రదాయాలను, పద్య నాటక కళను యువతకు పరిచయం చేయడమే ఈ మహోత్సవాల ముఖ్య ఉద్దేశ్యం.గ్రామ ప్రజలు, భక్తులు, కళాభిమానులు పెద్ద ఎత్తున హాజరై ఈ కార్యక్రమాన్ని విజయవంతం చేయాలని నిర్వాహకులు శ్రీ సీతా రామాంజనేయ నాట్య మండలి సభ్యులు కోరారు.