గ్రంథాలయోద్యమ ప్రముఖులకు నివాళి
భట్టిప్రోలు, మేజర్ న్యూస్: మండల కేంద్రమైన భట్టిప్రోలు లోని మాటూరు రామారావు శాఖ గ్రంథాలయంలో 59వ జాతీయ గ్రంథాలయ వారోత్సవాలలో భాగంగా మూడవ రోజైన సోమవారం గ్రంథాలయ ఉద్యమంలో పాల్గొన్న ప్రముఖులను స్మరించుకొనుట జరిగినది. ఈ కార్యక్రమంలో ముఖ్య అతిథిగా ఎంపీపీ ఎస్. బి ఆర్ పాఠశాల ఉపాధ్యాయులు ఆత్మూరి వెంకట సుబ్బారావు పాల్గొన్నారు. ముందుగా శ్రీ అయ్యంకి వెంకట రమణయ్య చిత్రపటానికి పూలమాలలు వేసి నివాళులర్పించారు. అనంతరం సుబ్బారావు మాట్లాడుతూ గ్రంథాలయ ఉద్యమ ప్రముకులైన శ్రీ ఎస్ ఆర్ రంగనాథన్, శ్రీ అయ్యంగి వెంకట రమణయ్య, శ్రీ పాతూరు నాగభూషణరావు, గ్రంథాలయముకు చేసిన సేవలను కొనియాడారు. విద్యార్థులకు సీనియర్ విభాగంలో గ్రంధాలయ ఉద్యమంలో పాల్గొన్న ప్రముఖులపై వ్యాసరచన, జూనియర్ విభాగంలో నీతి కథ వ్రాయడం పై పోటీలను నిర్వహించారు. ఈ పోటీలలో 65 మంది విద్యార్థులు పాల్గొన్నారు. ఈ కార్యక్రమంలో శాఖ గ్రంథాలయాధికారి కలపాల సుభాష్ చంద్రబోస్, విద్యార్థులు, పాఠకులు పాల్గొన్నారు.