గ్రంథాలయాలను సద్వినియోగపరుచుకోవాలి పెద్దల సంస్మరణ
వింజమూరు, మేజర్ న్యూస్ : 59వ జాతీయ గ్రంథాలయ వారోత్సవాలలో భాగంగా మూడవరోజు వింజమూరు శాఖ గ్రంథాలయంలో గ్రంథాలయ అధికారి జ్యోతి కొండయ్య ఆధ్వర్యంలో గ్రంథాలయ ఉద్యమంలో పాల్గొన్న ప్రముఖులను స్మరించుకొను కార్యక్రమాన్ని జరిపించారు ఈ కార్యక్రమానికి ముఖ్యఅతిథిగా బాలుర ఉన్నత పాఠశాల పిడి ఎన్ ప్రభాకర్ రెడ్డి హాజరయ్యారు ఈ సందర్భంగా ఆయన మాట్లాడుతూ ఆనాటి గ్రంథాలయ ఉద్యమ నాయకులు చేసిన కృషివల్లే గ్రంథాలయాలు అభివృద్ధి చెంది నేటి యువతకు జ్ఞాన దీపికగా పనిచేస్తున్నాయని తెలిపారు కావున పోటీ పరీక్షలకు హాజరయ్యే యువత గ్రంథాలయాలను సమర్థవంతంగా వినియోగించుకొని విజ్ఞానాన్ని పెంపొందించుకొని ఉత్తమ భవిష్యత్తును పొందాలని ఆకాంక్షించారు ఈ కార్యక్రమంలో విద్యార్థిని విద్యార్థులు ఉన్నారు.