గోళ్ల లో కీర్తిశేషులు బాదన్న ఆశీర్వాదంతో ప్రచారాన్ని మొదలుపెట్టిన సర్పంచ్ అభ్యర్థి.
కళ్యాణదుర్గం మండలం గోళ్ళ గ్రామంలో తెలుగుదేశం పార్టీ సర్పంచ్ అభ్యర్థిగా బరిలో నిలిచిన లక్ష్మీ ప్రసన్న చంద్రనాయుడు ఎన్నికల ప్రచారాన్ని ప్రారంభించారు. ముందుగా బాదన్న సమాధి వద్ద ప్రత్యేక పూజలు నిర్వహించి, పూలమాలలు సమర్పించి ఘనంగా నివాళులర్పించారు. అనంతరం బాదన్న ఆశీస్సులు తీసుకుని ఎన్నికల ప్రచారానికి శ్రీకారం చుట్టారు. ఈ సందర్భంగా గ్రామ అభివృద్ధి, ప్రజల సంక్షేమమే లక్ష్యంగా ఎన్నికల బరిలో నిలిచినట్లు ఆమె తెలిపారు. గ్రామ ప్రజల ఆదరాభిమానాలు, సహకారంతో ముందుకు సాగుతానని పేర్కొన్నారు. గోళ్ళ గ్రామానికి చెందిన ఆడబిడ్డగా సర్పంచ్ అభ్యర్థిగా పోటీ చేస్తున్న తనను గ్రామ ప్రజలు ఆశీర్వదించి మద్దతుగా నిలవాలని కోరారు. ఈ కార్యక్రమంలో మార్కెట్ యార్డ్ చైర్మన్ లక్ష్మీ రమేష్ పాల్గొని లక్ష్మీ ప్రసన్న చంద్రనాయుడుకు శుభాకాంక్షలు తెలిపారు. ప్రజల మద్దతుతో విజయం సాధించి గ్రామ అభివృద్ధికి కృషి చేయాలని ఆకాంక్షించారు. అనంతరం టీడీపీ నాయకులు, కార్యకర్తలు, అభిమానులు అభ్యర్థికి మద్దతుగా ప్రచార కార్యక్రమంలో పాల్గొన్నారు. పార్టీ శ్రేణులు ఉత్సాహంగా ప్రచారాన్ని ప్రారంభించడంతో గోళ్ళ గ్రామంలో ఎన్నికల సందడి నెలకొంది.
కళ్యాణదుర్గం టౌన్ రిపోర్టర్ :- బోయ రంగస్వామి.