ఘనంగా అమ్మవారి కలిశాల గ్రామోత్సవాలు

గూడూరు, మేజర్‌న్యూస్‌ :   గూడూరు పట్టణంలో గత తొమ్మిది రోజులుగా పలు అమ్మవారి ఆలయాల్లో  దేవి శరన్నవరాత్రి ఉత్సవాలు వైభవంగా జరిగాయి బుధవారం అర్ధరాత్రి సొసైటీ లోని నారాయణమ్మ పేరంటాలు, వాలయనందపురం లోని మహా లక్షమ్మ దేవస్థానం, ధర్మరాజుల స్వామి దేవస్థానం శ్రీ రాజరాజేశ్వరి దేవస్థానం ,బొడ్డు చౌక్ ప్రాంతంలో ఉన్న మహాలక్షమ్మ దేవస్థానం, జనార్దన్ రెడ్డి కాలనీ అరుంధతి పాలెం లో ఉన్న అమ్మవారి ఆలయాలలో అమ్మవారికి విశేష పూజలు నిర్వహించి పట్టణ పురవీధుల్లో గ్రామోత్సవం వైభవంగా నిర్వహించారు. బుధవారం అర్ధరాత్రి ప్రారంభమైన గ్రామోత్సవాలు గురువారం మద్యాహ్నాం వరకు పట్టన పుర వీధుల్లో సాగాయి. పెద్ద సంఖ్యలో భక్తులు అమ్మవారికి తమ మొక్కులు చెల్లించుకున్నారు. ఈ సందర్భంగా ఏర్పాటుచేసిన బాణాసంచా వేడుకలు ప్రత్యేక సాంస్కృతి కార్యక్రమాలు భక్తులను ఆకట్టుకున్నాయి.