వెంకటాపూర్ గ్రామంలో ఘనంగా బతుకమ్మ సంబరాలు

 సదాశివపేట;సదాశివపేట మండలం వెంకటాపూర్ గ్రామంలో సర్పంచ్ ఒగ్గు శ్రీనివాస్ ఆధ్వర్యంలో బతుకమ్మ సంబరాలు వైభవంగా నిర్వహించారు. ఈ కార్యక్రమానికి ముఖ్య అతిథిగా టీజీఐఐసి మాజీ చైర్పర్సన్ నిర్మల జగ్గారెడ్డి హాజరై మహిళలతో కలిసి బతుకమ్మ ఆడారు.మహిళలు రంగురంగుల పూలతో బతుకమ్మలను పేర్చి, సంప్రదాయ పాటలు పాడుతూ ఉత్సాహంగా వేడుకల్లో పాల్గొన్నారు. బతుకమ్మల చుట్టూ ఆడిపాడుతూ పండుగ సందడిని నింపారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను గ్రామంలో ఘనంగా నిర్వహించడంతో పండుగ వాతావరణం నెలకొంది. ఈ కార్యక్రమంలో గ్రామ పెద్దలు మహిళలు పెద్ద సంఖ్యలో పాల్గొన్నారు.