ఎస్సీ, ఎస్టీలకు రాజ్యాంగబద్ధమైన హక్కులు సమాన అవకాశాలు , గౌరవప్రదమైన రాజకీయ ప్రాతినిధ్యం కల్పించాలి.మించల ప్రదీప్.
తిరుపతి రెవెన్యూ మేజర్ న్యూస్
ఎస్సీ, ఎస్టీలకు రాజ్యాంగబద్ధమైన హక్కులు సమాన అవకాశాలు , గౌరవప్రదమైన రాజకీయ ప్రాతినిధ్యం కల్పించాలి.మించల ప్రదీప్.
ఆంధ్రప్రదేశ్ రాష్ట్ర స్థానిక సంస్థల ఎన్నికల నేపథ్యంలో మించల ప్రదీప్
నేషనల్ జాయింట్ సెక్రటరీ య. సి, ఎస్. టి, బి. సి
పొలిటికల్ జె ఏ సి మాట్లాడుతూ.
భారత రాజ్యాంగం ప్రతి పౌరుడికి సమానత్వం, స్వేచ్ఛ, గౌరవం మరియు ప్రజాస్వామ్య హక్కులను కల్పించింది. ఈ రాజ్యాంగ స్ఫూర్తికి అనుగుణంగా ఆంధ్రప్రదేశ్ రాష్ట్రంలో జరగనున్న గ్రామ పంచాయతీ సర్పంచ్ ఎన్నికల్లో షెడ్యూల్డ్ కులాలు , షెడ్యూల్డ్ తెగల వర్గాలకు చెందిన అభ్యర్థులకు సముచిత రాజకీయ ప్రాతినిధ్యం, సమాన అవకాశాలు, అవసరమైన భద్రత కల్పించాలని విజ్ఞప్తి చేస్తున్నాను.గ్రామ స్వరాజ్యం అనేది ప్రజలందరి భాగస్వామ్యంతోనే సాధ్యమవుతుంది. గ్రామ అభివృద్ధి, ప్రజా సంక్షేమం, సామాజిక న్యాయం వంటి అంశాల్లో ఎస్సీ, ఎస్టీ వర్గాల భాగస్వామ్యం ఎంతో ముఖ్యమైనది తెలియజేశారు.
రాజ్యాంగం మరియు సంబంధిత చట్టాల ప్రకారం ఎస్సీ, ఎస్టీలకు కల్పించిన రాజకీయ రిజర్వేషన్లు సమర్థవంతంగా అమలు చేయాలి.అర్హులైన ఎస్సీ, ఎస్టీ అభ్యర్థులు ఎలాంటి భయాందోళనలు లేకుండా స్వేచ్ఛగా నామినేషన్లు దాఖలు చేసుకునే వాతావరణం కల్పించాలి.నామినేషన్ కేంద్రాల వద్ద అవసరమైన భద్రతా ఏర్పాట్లు చేసి, ప్రతి అభ్యర్థికి సమానమైన గౌరవం, అవకాశం కల్పించాలి.ఎన్నికల ప్రచారం, పోలింగ్, ఓట్ల లెక్కింపు ప్రక్రియల్లో ఎటువంటి వివక్షకు తావులేకుండా ఎన్నికలను స్వేచ్ఛగా, నిష్పక్షపాతంగా నిర్వహించాలి.ఎస్సీ, ఎస్టీ అభ్యర్థులకు బెదిరింపులు లేదా అడ్డంకులు ఎదురైన సందర్భాల్లో సంబంధిత అధికారులు చట్టప్రకారం తక్షణ చర్యలు తీసుకోవాలి. ఎన్నికల్లో పోటీ చేసే ప్రతి ఒక్కరూ రాజ్యాంగ విలువలను గౌరవిస్తూ ప్రజాస్వామ్య పద్ధతిలో ప్రచారం నిర్వహించాలి.
ఎన్నికైన ప్రజాప్రతినిధులు కుల, మత, ప్రాంతీయ భేదాలకు అతీతంగా గ్రామ అభివృద్ధి, ప్రజా సంక్షేమం కోసం బాధ్యతాయుతంగా పనిచేయాలి.రాజ్యాంగం కల్పించిన హక్కులను వినియోగించుకోవడం ప్రతి పౌరుడి హక్కు. అదే సమయంలో ఇతరుల హక్కులను గౌరవించడం, చట్టాలను పాటించడం, సామాజిక సామరస్యాన్ని కాపాడడం మనందరి బాధ్యత.
ఎస్సీ, ఎస్టీ వర్గాల రాజకీయ ఎదుగుదల అనేది కేవలం ఒక వర్గానికి సంబంధించిన అంశం కాదు. అది ప్రజాస్వామ్య బలోపేతానికి, సమానత్వానికి, సమగ్ర గ్రామీణ అభివృద్ధికి సంబంధించిన విషయం.
ప్రభుత్వానికి, ఎన్నికల సంఘానికి ప్రత్యేక విజ్ఞప్తి
ఆంధ్రప్రదేశ్ రాష్ట్ర ప్రభుత్వం, రాష్ట్ర ఎన్నికల సంఘం, జిల్లా ఎన్నికల అధికారులు, పోలీసు శాఖ సమన్వయంతో ప్రతి అర్హుడైన అభ్యర్థికి సమాన అవకాశాలు కల్పించి, రాజ్యాంగబద్ధమైన హక్కులను పరిరక్షిస్తూ, భయరహిత వాతావరణంలో ఎన్నికలు జరిగేలా చర్యలు తీసుకోవాలని కోరుతున్నాను.
ఎవరినీ విమర్శించడం మా ఉద్దేశం కాదు. రాజ్యాంగం అందించిన హక్కులు ప్రతి ఒక్కరికీ అందాలి, ప్రతి ఒక్కరూ తమ బాధ్యతలను నిర్వర్తించాలి అనేదే మా ప్రధాన ఆకాంక్ష.
ప్రజాస్వామ్యంలో ప్రతి ఒక్కరికీ అవకాశం ఉండాలి...
రాజ్యాంగం ముందు అందరూ సమానమే...
సామాజిక న్యాయంతోనే సమగ్ర అభివృద్ధి సాధ్యంఅని తెలియజేశారు.
కె రాజేష్ రిపోర్టర్ తిరుపతి
