భోగాపురం శ్రీ లెండిలో సందడి

భోగాపురం, (మేజర్ న్యూస్): భోగాపురం మండల కేంద్రంలో ఉన్న శ్రీ లెండి డిగ్రీ కళాశాలలో ఆదివారం నిర్వహించిన ఫ్రెషర్స్ డే కార్యక్రమం ఆకట్టుకుంది. కళాశాల డైరెక్టర్ సి.హెచ్.కిరణ్ ఆధ్వర్యంలో నిర్వహించిన ఈ కార్యక్రమంలో ముందుగా కార్యక్రమానికి విచ్చేసిన ముఖ్యఅతిథి ఎస్సై రమేష్ జ్యోతి ప్రజ్వలన చేసి కార్యక్రమాన్ని ప్రారంభించారు. ఈ విద్యా సంవత్సరం ఉత్తమ ఫలితాలు సాధించిన విద్యార్థులకు బహుమతులు అందజేశారు. అనంతరం విద్యార్థులచే సాంస్కృతిక కార్యక్రమాలు ఆకట్టుకున్నాయి. హుషారైన గీతాలకు విద్యార్థుల నృత్యాభినయం మరింత వన్నె తెచ్చాయి. జానపద గీతాలు, వెస్ట్రన్, ఫోక్ ఎలాంటి గీతాలకైనా విద్యార్థులు వేసే స్టెప్స్ అదుర్స్ అనిపించాయి. 

 రిపోర్టర్, వై.శ్రీనివాస్, భోగాపురం.