ఎన్నికల ప్రక్రియ ముగిసే వరకు ప్రజా సమస్యల పరిష్కార వేదిక రద్దు - కమిషనర్ వై.ఓ. నందన్

నెల్లూరు, కార్పొరేషన్, మేజర్ న్యూస్  స్థానిక సంస్థల ఎన్నికల నేపథ్యంలో, ఈ సోమవారం నుంచి స్థానిక సంస్థల ఎన్నికల ప్రక్రియ ముగిసే వరకు ప్రజా సమస్యల పరిష్కార వేదిక (పి.జి.ఆర్.ఎస్.) కార్యక్రమాన్ని తాత్కాలికంగా రద్దు చేస్తున్నట్లు నెల్లూరు నగరపాలక సంస్థ కమిషనర్ వై.ఓ. నందన్ ఆదివారం ఒక ప్రకటన ద్వారా తెలియచేసారు.

నగర పాలక సంస్థ పరిధిలో స్థానిక సంస్థల ఎన్నికల నిర్వహణకు సంబంధించిన విధుల్లో అధికారులు, సిబ్బంది నిమగ్నమై ఉన్నందున, ప్రజల నుంచి వినతులు స్వీకరించి సమస్యల పరిష్కారానికి చర్యలు చేపట్టే ప్రజా సమస్యల పరిష్కార వేదిక కార్యక్రమాన్ని ఎన్నికల ప్రక్రియ ముగిసే వరకు తాత్కాలికంగా రద్దు చేస్తున్నట్లు కమిషనర్ పేర్కొన్నారు.

కావున ప్రజలు ఈ విషయాన్ని గమనించి, ఎన్నికల నిర్వహణకు సహకరించాలని కమిషనర్ విజ్ఞప్తి చేశారు.